ధర్మస్థలలో జరుగుతున్న తవ్వకాలు కర్ణాటక రాష్ట్రంలో తీవ్ర కలకలం రేపుతున్నాయి. నేత్రావతి నది ఒడ్డున మానవ అవశేషాలు వెలుగులోకి రావడం విచారకరమైంది. ఈ ఘటనకు నేపథ్యంగా ఓ మాజీ శానిటరీ వర్కర్ ఇచ్చిన వాంగ్మూలమే కీలకం అయింది. అతడి పూర్వ వాదనల ప్రకారం 1995 నుంచి 2014 మధ్యకాలంలో వందలాది మహిళలను హత్య చేసి పాతిపెట్టినట్టు చెబుతూ, ఖచ్చితమైన స్థలాలను కూడా గుర్తించాడు. అతడి మాటలతో షాక్కు గురైన అధికారులు వెంటనే రంగంలోకి దిగారు.
ప్రస్తుతం S.I.T (Special Investigation Team) ఆధ్వర్యంలో ఈ కేసుపై పూర్తిస్థాయిలో విచారణ జరుగుతోంది. జేసీబీల సహాయంతో నది ఒడ్డున తవ్వకాలు ప్రారంభించగా, ఇప్పటికే కొన్ని చోట్ల మానవ అవశేషాలు బయటపడినట్లు అధికారిక సమాచారం. అవి ఫోరెన్సిక్ పరిశీలన కోసం ల్యాబ్కు పంపించారు. వర్షాల కారణంగా తవ్వకాల్లో కొంత ఆటంకం ఏర్పడినప్పటికీ, త్వరలోనే మిగతా ప్రాంతాల్లోనూ తవ్వకాలు జరిపే ఏర్పాట్లు చేస్తున్నారు.
తదుపరి దర్యాప్తు కోసం ఇప్పటికే సిట్ బృందం కర్ణాటక ప్రభుత్వానికి పూర్తి నివేదిక సమర్పించినట్లు తెలుస్తోంది. మిగిలిన 13 ప్రదేశాల్లోనూ తవ్వకాలు జరపాలని నిర్ణయించారు. ఇది కేవలం హత్యలకే పరిమితమైనదా, లేక మరెవైనా నేరశృంఖలలో భాగమా అనే దానిపై కూడా దర్యాప్తు కొనసాగుతోంది.
ఇలాంటి ఘోరమైన నేరాలు తేలుస్తున్న అధికారులకు శ్రేయస్సు చెప్పాల్సిందే. కానీ వాస్తవాలు వెలుగులోకి రాగానే ప్రజల్లో గందరగోళం ఏర్పడకూడదని, బాధితుల కుటుంబాలకు న్యాయం జరగాలని అందరూ కోరుకుంటున్నారు. ఈ కేసు కర్ణాటక రాష్ట్రానికే కాక దేశవ్యాప్తంగా చర్చనీయాంశంగా మారుతోంది.
