అమెరికా అధ్యక్షుడు డొనాల్డ్ ట్రంప్ మరోసారి భారత్పై విమర్శలదూకుడు ప్రదర్శించారు. ఇటీవలే ఆయన భారత్ను "డెడ్ ఎకానమీ"గా పేర్కొనడం దేశవ్యాప్తంగా చర్చనీయాంశమైంది. ప్రస్తుతం భారత్ ప్రపంచంలో నాల్గవ అతిపెద్ద ఆర్థిక వ్యవస్థగా కొనసాగుతోంది. అంతటి దేశాన్ని “పతనమైన ఎకానమీ”గా చిత్రీకరించడం అనేకరంగాల్లోనూ తీవ్ర విమర్శలకు గురయ్యింది.
అంతేకాదు, ట్రంప్ రాబోయే రోజుల్లో పాకిస్తాన్ మనకు ఆయిల్ సరఫరా చేస్తుందన్నట్లు జోస్యం చెబుతూ వ్యాఖ్యానించారు. ఇది ఎంతవరకు వాస్తవం అనే దానిపై చాలామందిలో సందేహాలు తలెత్తుతున్నాయి. పాకిస్తాన్ ప్రస్తుతం ప్రపంచంలో 38వ స్థానంలో ఉన్న ఆర్థిక వ్యవస్థ. అంతేకాదు, భారత్ పాకిస్తాన్తో క్రికెట్ సైతం ఆడకూడదన్న స్థాయికి వెళ్ళిపోయేంతలా వ్యూహాత్మకంగా దూరంగా ఉంది. అలాంటి దేశం నుంచి భారత్ ఆయిల్ తీసుకుంటుందనడం విశ్వసనీయంగా అనిపించడం లేదు.
అంతేకాక, ప్రపంచవ్యాప్తంగా ఆయిల్ ఎగుమతులకు రష్యా, ఇరాన్, సౌదీ అరేబియా వంటి ప్రత్యామ్నాయ దేశాలుండగా పాకిస్తాన్ నుంచి ఆయిల్ దిగుమతి చేసుకుంటామని ఊహించడం అసంబద్ధమైన విషయం అని నిపుణులు అభిప్రాయపడుతున్నారు. ట్రంప్ ఈ వ్యాఖ్యలు చేయడానికి రాజకీయ ఉద్దేశాలే కారణమా? లేదా సమాచారం లేకుండా చేసిన అనవసర వ్యాఖ్యలేనా అన్నది ఇపుడు చర్చకు విషయం అయింది.
భారత్-అమెరికా సంబంధాలు గత కొంతకాలంగా బలంగా కొనసాగుతుండగా, ఇటువంటి వ్యాఖ్యలు సంబంధాల్లో విరామాన్ని తేవచ్చన్న ఆందోళన కొంతమంది రాజనీతిజ్ఞుల్లో వ్యక్తమవుతోంది. ఇక సామాన్య ప్రజలు, రాజకీయ విశ్లేషకులు మాత్రం ట్రంప్ వ్యాఖ్యలను "ఆలోచించకుండా మాట్లాడిన మాటలు", "ప్రమాదకరమైన అవమానం"గా అభివర్ణిస్తున్నారు.
