Prakash Raj: నటుడు ప్రకాశ్ రాజ్పై పరువు నష్టం దావా.. క్షమాపణలు చెప్పాలని డిమాండ్!
Prakash Raj: ప్రముఖ సినీ నటుడు ప్రకాశ్ రాజ్పై పరువు నష్టం దావా దాఖలైంది. తిరుమల తిరుపతి దేవస్థానం (టీటీడీ) బోర్డు సభ్యుడు భానుప్రకాశ్ రెడ్డి ఈ కేసును నమోదు చేశారు.
కేసు నమోదు చేసిన టీటీడీ బోర్డు సభ్యుడు భానుప్రకాశ్ రెడ్డి..
ఆయన వ్యాఖ్యలు హిందువుల మనోభావాలను దెబ్బతీసేలా ఉన్నాయంటూ..
తిరుపతి: ప్రముఖ సినీ నటుడు ప్రకాశ్ రాజ్పై పరువు నష్టం దావా దాఖలైంది. తిరుమల తిరుపతి దేవస్థానం (టీటీడీ) బోర్డు సభ్యుడు భానుప్రకాశ్ రెడ్డి ఈ కేసును నమోదు చేశారు. ప్రకాశ్ రాజ్ చేసిన వ్యాఖ్యలు హిందువుల మనోభావాలను దెబ్బతీసేలా ఉన్నాయని ఆయన ఆరోపించారు.
భానుప్రకాశ్ రెడ్డి మాట్లాడుతూ, ప్రకాశ్ రాజ్ ఉద్దేశపూర్వకంగానే శ్రీరాముడు, లక్ష్మణుడిపై అభ్యంతరకర వ్యాఖ్యలు చేశారని అన్నారు. ఇలాంటి వ్యాఖ్యలు సమాజంలో అసహనం పెంచే అవకాశముందని, మత విశ్వాసాలను గౌరవించాల్సిన బాధ్యత ప్రతి ఒక్కరిపై ఉందని సూచించారు.
ఈ నేపథ్యంలో ప్రకాశ్ రాజ్ హిందువులకు బహిరంగ క్షమాపణలు చెప్పాలని భానుప్రకాశ్ రెడ్డి డిమాండ్ చేశారు. తన వ్యాఖ్యల వల్ల కలిగిన బాధకు బాధ్యత వహించి వెంటనే స్పందించాలని కోరారు. ఈ వ్యవహారం ఇప్పుడు రాజకీయ, సామాజిక వర్గాల్లో చర్చనీయాంశంగా మారింది.
ఒకవైపు స్వేచ్ఛా భావ వ్యక్తీకరణ పేరుతో వ్యాఖ్యలు చేయవచ్చని కొందరు అంటుండగా, మరోవైపు మత భావాలను కించపరచడం సరైంది కాదని మరికొందరు అభిప్రాయపడుతున్నారు. ప్రకాశ్ రాజ్ వ్యాఖ్యలపై మొదలైన ఈ వివాదం ఎటువైపు మలుపుతీసుకుంటుందో చూడాలి.
Be the first to react
