ప్రస్తుతం ఇటలీ దేశం తీవ్రమైన కార్మిక కొరత మరియు జనాభా తగ్గుదల సమస్యలను ఎదుర్కొంటోంది. ఈ పరిస్థితులను సమస్కరించేందుకు ఇటలీ ప్రభుత్వం కీలక నిర్ణయాలు తీసుకుంది.
తాజాగా 2026 నుంచి 2028 మధ్యకాలంలో ఇతర దేశాల పౌరులకు ఐదు లక్షల వీసాలను జారీ చేయనున్న ప్రణాళికను ప్రకటించింది. ఈ నిర్ణయం ద్వారా ఇటలీ దేశ ఆర్థిక వ్యవస్థను బలోపేతం చేయడం, ఉద్యోగ ఖాళీలను నింపడం, దేశ జనాభా స్థిరతకు తోడ్పడడం లక్ష్యంగా పెట్టుకుంది. దీంతో వలసదారుల సంఖ్యను గణనీయంగా పెంచే అవకాశం ఉంది.
ఇటలీకి ప్రస్తుతం అత్యవసరంగా అవసరమైన రంగాలు– వ్యవసాయం, నిర్మాణం, వైద్య సేవలు (డాక్టర్లు, నర్సులు), పర్యాటక రంగం, తయారీ రంగం, కృత్రిమ మేధస్సు, మైనపు భద్రత, డిజిటల్ సేవల రంగం. ఈ రంగాల్లో పనిచేయగల నిపుణులు ఇటలీకి అత్యంత అవసరమవుతున్నారు.
ఇటలీలో జననాల రేటు రోజురోజుకు తగ్గిపోతోంది. 2024 సంవత్సరంలోనే 37 వేల మందితో జనాభా తగ్గిపోయిందని అధికారికంగా ప్రకటించారు. జననాల కంటే మరణాలే అధికంగా నమోదవుతున్నాయి. ఈ నేపథ్యంలో విదేశీ నిపుణులను ఆహ్వానించేందుకు ఇటలీ ప్రభుత్వం చేస్తున్న ఈ భారీ ప్రణాళిక వలసదారులకు గొప్ప అవకాశంగా మారనుంది.
