భారత్లోని ప్రముఖ విమానయాన సంస్థ ఇండిగో ఎయిర్లైన్స్ మరోసారి ప్రయాణికుల కోసం భారీ తగ్గింపుతో కూడిన 'బ్లాక్ ఫ్రైడే సేల్' ను ప్రకటించింది. చాలా తక్కువ ధరలకే విమాన ప్రయాణం కల్పించేందుకు ఈ ప్రత్యేకమైన సేల్ తీసుకురాబడింది.
ఈ డిస్కౌంట్ ఆఫర్లో టికెట్లు బుకింగ్ చేసుకునేందుకు పరిమిత సమయం మాత్రమే ఉంది. ఈ సేల్ నవంబర్ 25వ తేదీన ప్రారంభమై, నవంబర్ 28వ తేదీ అర్ధరాత్రి వరకు మాత్రమే (మొత్తం నాలుగు రోజులు) అందుబాటులో ఉంటుంది. ఈ ఆఫర్లో బుక్ చేసుకున్న టికెట్లపై ప్రయాణాన్ని 2026 జనవరి 7వ తేదీ నుంచి జూన్ 30వ తేదీ వరకు ప్లాన్ చేసుకోవచ్చు.
సంక్రాంతి, ఉగాది వంటి పండగలకు, ముఖ్యమైన సెలవులకు, అలాగే స్కూల్ హాలిడేస్ మరియు సమ్మర్ వెకేషన్ కోసం టూర్స్ ప్లాన్ చేసే వారికి ఇది అత్యుత్తమ అవకాశం. ముందస్తుగా టికెట్ బుక్ చేసుకుంటే తక్కువ ధరకే ప్రయాణించవచ్చు.. వన్ వే టికెట్ ధర కేవలం రూ. 1,799 నుంచే ప్రారంభమవుతుంది.
ఇంటర్నేషనల్ టికెట్ ధర రూ. 5,999 నుంచే మొదలవుతుంది. డొమెస్టిక్ రూట్స్లో (రూ. 1,799 నుంచి) హుబ్బళ్ళి - ముంబై, దిల్లీ - గ్వాలియర్, సూరత్ - గోవా, బెంగళూరు - కర్నూలు, షిర్డీ - హైదరాబాద్ వంటి మార్గాలు ఉన్నాయి.
అంతర్జాతీయ మార్గాలలో, చెన్నై - ఢాకా టికెట్ రూ. 5,999 నుంచి, చెన్నై - కొలంబో రూ. 6,599 నుంచి, మరియు ముంబై - కాఠ్మండూ రూ. 6,299 నుంచి అందుబాటులో ఉన్నాయి. దుబాయ్, మస్కట్, అబుదాబీ వంటి గల్ఫ్ దేశాలకు కూడా రూ. 6,499 నుంచి రూ. 7,300 వరకు టికెట్లు అందుబాటులో ఉన్నాయి.
టికెట్లపైనే కాకుండా, ఇతర సౌకర్యాలపై కూడా తగ్గింపు ఉంది. ప్రయారిటీ సర్వీస్ అయిన 'ఫాస్ట్ ఫార్వర్డ్'పై 70% వరకు డిస్కౌంట్ పొందవచ్చు. విమానంలో ముందుగా మీల్స్ (ఆహారం) బుక్ చేసుకుంటే 10% తగ్గింపు లభిస్తుంది.
ప్రయాణికులు గమనించాల్సిన విషయం ఏమిటంటే, ఈ సేల్ నవంబర్ 28 వరకు మాత్రమే అందుబాటులో ఉంటుంది. ఈ ఆఫర్ ఇండిగో నేరుగా నడిపే విమానాలకు మాత్రమే వర్తిస్తుంది. అలాగే, ఆఫర్లో సీట్లు లిమిటెడ్గా ఉంటాయి, కాబట్టి ముందుగా బుక్ చేసిన వారికే ప్రాధాన్యత లభిస్తుంది. గ్రూప్ బుకింగ్స్కు ఈ ఆఫర్ వర్తించదు. పూర్తి వివరాలను ఇండిగో అధికారిక వెబ్సైట్లో చూడవచ్చు.
