భారత ఆటోమొబైల్ మార్కెట్‌లో (Indian automobile market) మారుతి సుజుకి (Maruti Suzuki) అంటేనే ఒక బ్రాండ్‌ (A brand). స్విఫ్ట్ (Swift), బలెనో (Baleno), బ్రెజ్జా (Brezza) వంటి మోడళ్లతో కంపెనీ ఎప్పుడూ అమ్మకాల్లో రారాజులా ఉంటుంది.
ముఖ్యంగా ఏప్రిల్ నుండి సెప్టెంబర్ వరకు గడిచిన ఆరు నెలల కాలం మారుతికి మంచి వేడి నెలలు గా చెప్పవచ్చు. కొత్త మోడళ్లు, ఫెస్టివల్ ఆఫర్లతో (Festival offers) మార్కెట్ అంతా సందడిగా ఉంది. అయితే, ఈ విజయాల వెనుక ఒక మోడల్ మాత్రం కంపెనీకి నిరాశ కలిగిస్తోంది.
అదే మారుతి ఇన్విక్టో.. దీనిని మారుతి ఒక ప్రీమియమ్ MPV గా మార్కెట్‌లోకి తీసుకొచ్చింది. లగ్జరీ లుక్‌తో, హైబ్రిడ్ టెక్నాలజీతో (Hybrid technology) వచ్చిన ఈ కారు అందరినీ ఆకట్టుకుంటుందని మారుతి గట్టిగా ఆశించింది. కానీ, వాస్తవ పరిస్థితులు మాత్రం పూర్తిగా భిన్నంగా మారాయి.
ఆరు నెలల్లో కేవలం 1600 యూనిట్లే అమ్ముడయ్యాయి…
మారుతి సుజుకి నుంచి వచ్చిన ఈ ప్రీమియమ్ ఎంపీవీ (Premium MPV) అమ్మకాలు చూస్తే ఆశ్చర్యం కలుగుతుంది.
గత ఆరు నెలల్లో (ఏప్రిల్ నుండి సెప్టెంబర్ వరకు), మారుతి ఇన్విక్టో కేవలం 1600 యూనిట్లు మాత్రమే అమ్ముడైంది. అంటే నెలకు సగటున సుమారు 266 కార్లు మాత్రమే విక్రయించబడినట్టే. మారుతి సుజుకి వంటి పెద్ద కంపెనీకి ఇది చాలా తక్కువ సంఖ్య.
ఇదే కాలంలో మారుతికి చెందిన ఇతర మోడళ్లు వేలల్లో అమ్ముడయ్యాయి. కానీ, ఇన్విక్టో మాత్రం ఆ రీతిలో మార్కెట్‌లో స్థిరమైన స్థానం సంపాదించలేకపోయింది. ధర, సెగ్మెంట్ పోటీ, లక్ష్య వినియోగదారులు వంటి అంశాలు ఈ అమ్మకాలపై ప్రభావం చూపినట్టుగా కనిపిస్తోంది.
నెలవారీగా అమ్మకాలు ఎలా ఉన్నాయంటే... (ఏప్రిల్ - సెప్టెంబర్ 2025)
నెల విక్రయాలు (యూనిట్లు)
ఏప్రిల్ 223
మే 223
జూన్ 351
జూలై 351
ఆగస్టు 237
సెప్టెంబర్ 215
మొత్తం ఆరు నెలల్లో 1600
ఈ గణాంకాలు చూస్తే.. జూన్ (June), జూలై (July) నెలల్లో కొంత ఊపిరి పీల్చుకున్నట్టుగా కనిపించినా, ఆ తర్వాత అమ్మకాలు మళ్లీ తగ్గి నిరుత్సాహపరిచాయి. మరి ఇన్విక్టోలో ఏముంది? ఈ కారు టయోటా ఇనోవా హైక్రాస్ (Toyota Innova Hycross) పై ఆధారపడి రూపొందించబడింది. దీనికి స్టైలిష్ లుక్ (Stylish look), లగ్జరీ ఇంటీరియర్ ఉన్నాయి.
ఇది హైబ్రిడ్ టెక్నాలజీ (Hybrid Technology) ఆధారంగా పనిచేసే 2.0-లీటర్ TNGA పెట్రోల్ ఇంజిన్‌తో వస్తుంది. ఈ సిస్టమ్ మొత్తం 183 bhp శక్తిని ఉత్పత్తి చేయగలదు. ఇన్విక్టో మైలేజ్ (Mileage) పరంగా కూడా చాలా మంచిది. ఇది లీటరుకు 23.24 కి.మీ వరకు మైలేజీని అందిస్తుంది.
ఈ 7-సీటర్ కారులో రెండు కుటుంబాలు సులభంగా ప్రయాణం చేయవచ్చు. ముందు సీట్లు 8-వే పవర్ అడ్జస్టబుల్, వెంటిలేటెడ్ సీట్లు కాగా, రెండవ వరుసలో కెప్టెన్ సీట్లు ఉన్నాయి. ప్రయాణీకుల సౌకర్యం కోసం ఫోల్డబుల్ టేబుల్, మల్టీ-జోన్ క్లైమేట్ కంట్రోల్ వంటి ఫీచర్లు కూడా జోడించారు.
మొత్తానికి, అన్ని ఉత్తమ ఫీచర్లు ఉన్నా, ఇన్విక్టో తన టార్గెట్ మార్కెట్‌లో అంచనాలను అందుకోలేకపోయింది. మారుతి సుజుకి ఇకముందు ఈ మోడల్‌ను అమ్మకాలు పెంచడానికి ఎలాంటి వ్యూహాలు అమలు చేస్తుందో చూడాలి.
