ఏథర్ ఎనర్జీ (Ather Energy) ఎలక్ట్రిక్ స్కూటర్ల మార్కెట్లో తన ప్రత్యేకతను నిలుపుకుంటూ, తాజాగా ఏథర్ రిజ్టా 2025 (Ather Rizta 2025) మోడల్ను విడుదల చేసింది. ఈ స్కూటర్ ముఖ్యంగా కుటుంబ వినియోగదారులను (Family Consumers) దృష్టిలో ఉంచుకుని రూపొందించబడింది. ఇది రిజ్టా S (Rizta S) మరియు రిజ్టా Z (Rizta Z) అనే రెండు వేరియంట్లలో లభిస్తుంది.
ఈ మోడల్ ధర ₹1.04 లక్షల నుంచి ₹1.45 లక్షల వరకు (ఎక్స్-షోరూమ్) ఉంది. ఈ స్కూటర్ 160 కి.మీ. వరకు రేంజ్ అందించగల సామర్థ్యం కలిగి ఉంది. ఇది నగర ప్రయాణాలకు (City Commutes) చాలా అనువుగా ఉంటుంది. రిజ్టాలో పెద్ద సీటు (Large Seat), స్పేసియస్ ఫ్లోర్బోర్డ్ (Spacious Floorboard) మరియు వైడ్ బ్యాక్ రెస్ట్ (Wide Back Rest) వంటి ఫ్యామిలీ ఫోకస్ డిజైన్ అంశాలను చేర్చారు.
ఏథర్ రిజ్టా ఎలక్ట్రిక్ స్కూటర్ రెండు వేర్వేరు బ్యాటరీ ఆప్షన్లతో వస్తుంది. రిజ్టా S వేరియంట్ 2.9 kWh బ్యాటరీని కలిగి ఉండి 123 కి.మీ. IDC రేంజ్ను అందిస్తుంది. ఇక రిజ్టా Z వేరియంట్ 3.7 kWh బ్యాటరీతో 159 కి.మీ. IDC రేంజ్ను అందిస్తుంది. ఈ స్కూటర్లో PMSM మోటార్ (PMSM Motor) అమర్చబడింది.
ఇది 4.3 kW పవర్ మరియు 16 Nm టార్క్ను ఉత్పత్తి చేస్తుంది. రైడర్లకు భరోసా కల్పించేందుకు, వేరియంట్ను బట్టి బ్యాటరీకి 8 సంవత్సరాల వరకు వారంటీని అందిస్తున్నారు. ఈ స్కూటర్ కొనుగోలు చేసిన వారికి ఆథర్ డ్యూ ఛార్జర్ (Ather Duo Charger) ఉచితంగా లభిస్తుంది. దీనిని ఇంటి గోడకు అమర్చుకుని 3 పిన్ 6A అవుట్లెట్తో సులభంగా ఛార్జింగ్ చేసుకోవచ్చు.
ఏథర్ రిజ్టా టెక్నాలజీ పరంగా కూడా ముందుంది. ఇందులో 17.7cm TFT టచ్ స్క్రీన్ (Touch Screen) ఉంది, ఇది గూగుల్ మ్యాప్స్ నావిగేషన్ (Google Maps Navigation) వంటి ఫీచర్లను సపోర్ట్ చేస్తుంది. రివర్స్ మోడ్ (Reverse Mode), మ్యాజిక్ ట్విస్ట్, ఆటో హోల్డ్ (Auto Hold) మరియు ఈజీ రైడ్ మోడ్స్ వంటి స్మార్ట్ ఫీచర్లు రైడింగ్ను సులభతరం చేస్తాయి. 56 లీటర్ల భారీ స్టోరేజ్ (34L బూట్ + 22L ఫ్రంక్) దీని ప్రధాన ఆకర్షణ.
ఇక సేఫ్టీ విషయానికి వస్తే, ఇందులో క్రాష్ అలెర్ట్ (Crash Alert), స్కిడ్ కంట్రోల్ (Skid Control), ఫాల్ సేఫ్ (Fall Safe), ఎమర్జెన్సీ స్టాప్ సిగ్నల్ (Emergency Stop Signal), థెఫ్ట్ అలర్ట్ (Theft Alert) వంటి లేటెస్ట్ ఫీచర్లు ఉన్నాయి. వెనుకవైపు మోనో షాక్ సస్పెన్షన్ (Mono Shock Suspension) మరియు ముందువైపు డిస్క్ బ్రేక్ (Disc Brake) వంటివి భద్రతను పెంచుతాయి.
ఏథర్ రిజ్టా మోడల్ వివిధ ఆకర్షణీయమైన రంగుల్లో అందుబాటులో ఉంది. రిజ్టా S మోడల్ నాలుగు రంగుల్లో (డెక్కన్ గ్రే, సియాచిన్ వైట్, టెర్రకోట రెడ్, పాంగాంగ్ బ్లూ) లభిస్తుంది. రిజ్టా Z మోడల్ తొమ్మిది రంగుల్లో (టెర్రకోట రెడ్, పాంగాంగ్ బ్లూ, ఆల్ఫాన్సో యెల్లో, కార్డమం గ్రీన్, డెక్కన్ గ్రే, సియాచిన్ వైట్) లభిస్తుంది.
ప్రత్యేకంగా సూపర్ మ్యాట్ (Super Matt) మరియు డ్యూ (Dual Tone) రంగులు ఎంచుకుంటే, వినియోగదారులు ₹1,000 నుంచి ₹2,000 వరకు అదనంగా చెల్లించాల్సి ఉంటుంది. స్టైల్, పెర్ఫార్మెన్స్, టెక్నాలజీని అందించే ఈ బెస్ట్ స్కూటర్ భారతీయ వినియోగదారుల దృష్టిని ఆకర్షిస్తోంది.
