దాల్ మఖానీ పంజాబీ వంటకాల్లో చాలా ప్రాచుర్యం పొందిన క్రీమి, రిచ్ కర్రీ. దీన్ని సరైన విధంగా చేస్తే హోటల్ స్టైల్ రుచి ఇంట్లోనే వస్తుంది. ఇప్పుడు దాల్ మఖానీని స్టెప్ బై స్టెప్ సింపుల్గా ఎలా తయారు చేయాలో చూద్దాం.
దాల్ మఖానీ కావలసిన పదార్థాలను సిద్ధం చేసుకోవాలి. ఒక కప్పు సాబుత్ ఉరద్ దాల్( మినప్పప్పు ) మరియు రెండు టేబుల్ స్పూన్లు రాజ్మా తీసుకుని రాత్రంతా నీళ్లలో నానబెట్టాలి. ఉదయం నీరు వంపి శుభ్రంగా కడిగి ప్రెషర్ కుక్కర్లో వేసి, సరిపడా నీరు, కొద్దిగా ఉప్పు వేసి మెత్తగా ఉడికించాలి. దాల్ పూర్తిగా మెత్తబడేంత వరకు ఉడకాలి, కానీ పూర్తిగా ముద్దలా కాకుండా ఉండాలి.
రెండో దశలో మసాలా బేస్ సిద్ధం చేయాలి. ఒక మందపాటి కడాయిలో వెన్న లేదా నెయ్యి వేసి వేడి చేయాలి. అందులో సన్నగా తరిగిన ఉల్లిపాయలు వేసి నెమ్మదిగా వేయించాలి. ఉల్లిపాయలు లేత గోధుమ రంగు వచ్చే వరకు వేయించడమే కీలకం. తర్వాత అల్లం–వెల్లుల్లి పేస్ట్ వేసి పచ్చివాసన పోయే వరకు కలపాలి.
ఇప్పుడు మెత్తగా చేసిన టమాటా ప్యూరీని కడాయిలో వేసి బాగా కలపాలి. టమాటా మిశ్రమం నుంచి నూనె విడిపోయే వరకు మంట తగ్గించి వండాలి. తర్వాత కారం పొడి, ధనియాల పొడి, గరం మసాలా, కొద్దిగా కసూరి మెంతి వేసి మరోసారి బాగా కలపాలి. ఈ దశలో మసాలా కాలిపోకుండా జాగ్రత్తగా ఉండాలి.
ఉడికించిన దాల్ను మసాలాలో కలపాలి. ముందుగా ఉడికించిన ఉరద్ దాల్, రాజ్మాను మసాలాలో వేసి నెమ్మదిగా కలపాలి. అవసరమైతే కొద్దిగా ఉడికించిన నీరు కూడా కలపాలి. ఇప్పుడు ఈ మిశ్రమాన్ని చాలా తక్కువ మంటపై కనీసం 30 నుంచి 40 నిమిషాలు మరిగించాలి. మధ్య మధ్యలో కలుపుతూ ఉండాలి. ఇదే దాల్ మఖానీకి అసలైన రుచి వచ్చే దశ.
ఈ దశలో క్రీమి టచ్ ఇవ్వాలి చివరగా ఫ్రెష్ క్రీమ్ లేదా మలైను వేసి బాగా కలపాలి. కొద్దిగా వెన్నను పై నుంచి వేసితే రుచి మరింత పెరుగుతుంది. ఉప్పు సరిపోతుందో లేదో చూసుకుని, మంట ఆపేయాలి. కావాలంటే చివరగా కొద్దిగా కసూరి మెంతిని చేతులతో నలిపి పై నుంచి చల్లుకోవచ్చు.
ఇలా స్టెప్ బై స్టెప్గా చేసిన దాల్ మఖానీ నాన్, రోటీ, బటర్ నాన్ లేదా జీరా రైస్తో చాలా బాగుంటుంది. నెమ్మదిగా వండడమే ఈ వంటకానికి ప్రాణం అని గుర్తుంచుకుంటే, ఇంట్లోనే హోటల్ స్టైల్ దాల్ మఖానీ తప్పకుండా సిద్ధమవుతుంది.
