టాలీవుడ్లో ఆన్లైన్ రివ్యూలు, రేటింగ్స్ వ్యవహారం మరోసారి హాట్ టాపిక్గా మారింది. ముఖ్యంగా ఇటీవల కోర్టు ఆదేశాలతో ఆన్లైన్ ప్లాట్ఫాంలలో స్టార్ రేటింగ్స్ నిలిపివేయడంపై (Vijay Deverakonda News) హీరో విజయ్ దేవరకొండ చేసిన వ్యాఖ్యలు సినీ వర్గాల్లో పెద్ద చర్చకు దారి తీశాయి. చాలా రోజులుగా ఈ సమస్యపై మాట్లాడాలని అనుకున్నా అప్పట్లో తన మాటలను ఎవరూ పట్టించుకోలేదని, ఇప్పుడు అయినా న్యాయం జరిగిందన్న భావన కలిగిందని విజయ్ భావోద్వేగంగా స్పందించారు.
సినిమా విడుదలైన వెంటనే సోషల్ మీడియా, టికెట్ బుకింగ్ యాప్స్లో రేటింగ్స్,(Online Movie Reviews) వెల్లువలా రావడం ఇప్పుడు సాధారణ విషయంగా మారింది. కానీ ఈ వ్యవస్థే కొన్ని సందర్భాల్లో సినిమాల భవితవ్యాన్ని దెబ్బతీస్తోందని విజయ్ అభిప్రాయపడ్డారు. సినిమా చూసే అవకాశం లేకుండానే, కేవలం స్టార్ రేటింగ్స్ ఆధారంగా ప్రేక్షకులు తీర్పు చెప్పడం వల్ల నిర్మాతలు, దర్శకులు భారీ నష్టాలను ఎదుర్కొంటున్నారని ఆయన అన్నారు. ఈ పరిస్థితిని తాను ‘డియర్ కామ్రేడ్’ సినిమా రోజుల నుంచే గమనిస్తున్నానని గుర్తుచేశారు.
తాజాగా మెగాస్టార్ చిరంజీవి నటించిన ‘మన శంకరవరప్రసాద్ గారు’ చిత్ర బృందం కోర్టును ఆశ్రయించడంతో, ఆన్లైన్ రేటింగ్స్పై కీలక నిర్ణయం వెలువడింది. కోర్టు ఆదేశాల మేరకు ప్రముఖ టికెట్ బుకింగ్ ప్లాట్ఫాం బుక్ మై షో (BookMyShow) తన వెబ్సైట్లో రివ్యూలు, స్టార్ రేటింగ్స్ను తాత్కాలికంగా నిలిపివేసింది. ఈ పరిణామం టాలీవుడ్లో కొత్త చర్చకు తెరలేపింది.
ఈ అంశంపై స్పందించిన విజయ్ దేవరకొండ, ఒకవైపు సంతోషం కలుగుతూనే మరోవైపు బాధ కూడా కలిగిందని అన్నారు. ఎంతోమంది కష్టం, కలలు, పెట్టుబడిని కాపాడే దిశగా ఇది ఓ చిన్న అడుగుగా భావిస్తున్నానని చెప్పారు. అయితే సినిమా (Tollywood Latest News) రంగానికి చెందిన కొందరే ఉద్దేశపూర్వకంగా నెగిటివ్ ప్రచారం చేస్తుండటం బాధాకరమని వ్యాఖ్యానించారు. ‘లివ్ అండ్ లెట్ లివ్’ అనే భావన సినీ పరిశ్రమలో ఎందుకు కనుమరుగైందని ఆయన ప్రశ్నించారు.
ఇటీవల విజయ్ కెరీర్ విషయానికి వస్తే, వరుస పరాజయాలు ఆయనను మానసికంగా ప్రభావితం చేశాయని సినీ వర్గాలు చెబుతున్నాయి. ప్రతి సినిమా రిలీజ్ సమయంలో (Movie Ratings Issue) ట్రోలింగ్, నెగిటివ్ క్యాంపెయిన్లు ఎదురవడం తనపై ఒత్తిడిని పెంచిందని ఆయన గతంలోనే వెల్లడించారు. అయినా, మంచి సినిమా అయితే ఎవరూ ఆపలేరని అప్పట్లో చెప్పిన మాటలు ఇప్పుడు పూర్తిగా నిజం కాదని తాను అనుభవంతో తెలుసుకున్నానని విజయ్ అన్నారు. తనతో పని చేసిన నిర్మాతలు, దర్శకులు కూడా ఈ సమస్య తీవ్రతను తర్వాత గ్రహించారని చెప్పారు.
మెగాస్టార్ స్థాయి హీరో సినిమాకే ఈ రేటింగ్స్ వ్యవస్థ ముప్పుగా మారిందని కోర్టు గుర్తించడమే, సమస్య ఎంత పెద్దదో చూపిస్తోందని విజయ్ అభిప్రాయపడ్డారు. అయితే ఇది పూర్తిస్థాయి (Vijay Deverakonda Comments) పరిష్కారం కాదని, గుడ్డిలో మెల్లగా అయినా మార్పు మొదలైందని ఆశాభావం వ్యక్తం చేశారు. ఇటీవల ఆయన నటించిన సినిమాకు కూడా తీవ్ర ట్రోలింగ్ ఎదురవడంతో, ఈ వ్యాఖ్యలు మరింత ప్రాధాన్యం సంతరించుకున్నాయి.
