ప్రధాన మంత్రి జన్ ధన్ యోజన కింద బ్యాంకు ఖాతాలు తెరిపించి పది సంవత్సరాలు పూర్తయిన వారికి రీ-కేవైసీ తప్పనిసరిగా చేయాలని రిజర్వ్ బ్యాంక్ ఆఫ్ ఇండియా సూచించింది. ఈ రీ-కేవైసీ ప్రక్రియ పూర్తి చేసుకునే గడువు సెప్టెంబర్ 30తో ముగియనుంది.
ఖాతాదారులు తమ నివాస ప్రాంతంలోని గ్రామాల్లో ఏర్పాటు చేసిన ప్రత్యేక శిబిరాలకు వెళ్లి, చిరునామా, ఫోన్ నంబర్ వంటి వివరాలతో కేవైసీ అప్డేట్ చేయించుకోవచ్చు. అదనంగా, మీ బ్యాంకు వెబ్‌సైట్ ద్వారా ఆన్లైన్‌లోనూ ఈ ప్రక్రియ పూర్తి చేయవచ్చు.
గమనించదగ్గ విషయం ఏమిటంటే, 2014లో ప్రారంభమైన ఈ పథకం కింద ప్రస్తుతం దేశవ్యాప్తంగా 55.9 కోట్ల జన్ ధన్ ఖాతాలు ఉన్నాయి. RBI సూచనల ప్రకారం సమయానికి కేవైసీ అప్డేట్ చేయించుకోకపోతే, ఖాతా సేవలు నిలిచిపోవచ్చని బ్యాంకులు హెచ్చరిస్తున్నాయి.
