Gaza: ఆహార పంపిణీ కేంద్రం వద్ద కాల్పులు..! గాజాలో 90 మందికి పైగా మృత్యువాత!

హమాస్ (Hamas) ఉగ్రవాదులను ఏరివేసేందుకు ఇజ్రాయెల్ (Israel) చేపట్టిన యుద్ధం కారణంగా గాజా (Gaza) మరుభూమిగా మారిపోయింది. ఎక్కడ చూసినా శిథిలాలే కనిపిస్తున్నాయి. అక్కడక్కడా గాజా పౌరులు (Gaza civilians) దయనీయ పరిస్థితిల్లో జీవిస్తున్నారు. తిండి, నీరు లేక ఆకలితో అలమటిస్తున్నారు.

ఇటు ఇజ్రాయెల్ సైన్యం (Israeli army) కాల్పులు, అటు హమాస్ ఉగ్రవాదుల (Hamas militants) ఎదురుకాల్పుల మధ్య వారు నలిగిపోతున్నారు. ఈ నేపథ్యంలో గాజా పౌరుల ఆకలి తీర్చేందుకు ఐక్యరాజ్య సమితి (United Nations) అనుబంధ సంస్థలు గాజాలో మానవతా సహాయ కేంద్రాలను (humanitarian aid centers) ఏర్పాటు చేశాయి. ఈ కేంద్రాల వద్ద ఇజ్రాయెల్ సైన్యం కాపలా కాస్తోంది.
ఆకలి తట్టుకోలేక జనం ఈ కేంద్రాల వద్దకు పోటెత్తుతున్నారు. వారిని నియంత్రించేందుకు సైనికులు కాల్పులు జరుపుతున్నారనే ఆరోపణలు వినిపిస్తున్నాయి. తాజాగా నార్త్ గాజా (North Gaza) లోని ఓ ఆహార పంపిణీ కేంద్రం వద్ద గుమిగూడిన జనాలను నియంత్రించేందుకు ఇజ్రాయెల్ సైన్యం కాల్పులు జరిపిందని, ఈ ఘటనలో ఏకంగా 80 మంది మరణించారని గాజా సివిల్ డిఫెన్స్ ఏజెన్సీ (Gaza Civil Defence Agency) ఆరోపించింది.

మరో రెండు కేంద్రాల వద్ద 10 మందికి పైగా గాజా పౌరులు మృత్యువాత పడ్డారని తెలిపింది. ఆకలి తట్టుకోలేక సాయం కోసం వచ్చిన అమాయకులపై ఇజ్రాయెల్ డిఫెన్స్ ఫోర్స్ (IDF - Israel Defense Forces) తూటాల వర్షం కురిపిస్తోందని ఆవేదన వ్యక్తం చేసింది.

ఐక్యరాజ్య సమితి (UN) వరల్డ్ ఫుడ్ ప్రోగ్రాం (World Food Programme) కింద 25 ట్రక్కుల (trucks) నిండా ఆహార పదార్థాలు, నిత్యావసర వస్తువులను పంపించిందని తెలిపారు. సరిహద్దుల్లో తనిఖీల తర్వాత ట్రక్కులు గాజా సిటీలోకి (Gaza City) ప్రవేశించాయి. వందలాది మంది పౌరులు వాటిని చుట్టుముట్టారని తెలిపారు.

ఈ ఘటనపై ఐడీఎఫ్ (IDF) వివరణ ఇస్తూ… జనం భారీగా రావడంతో సిబ్బందికి ముప్పు ఏర్పడిందని, దాన్ని తప్పించేందుకు గాల్లోకి హెచ్చరికగా కాల్పులు జరిపామని పేర్కొంది.