తెలుగు చిత్ర పరిశ్రమకు సంయుక్త గురించి ప్రత్యేకంగా చెప్పనవసరం లేదు విరుపాక్షి మాస్టర్ వంటి చిత్రాలతో ప్రేక్షకుల మనసును దోచుకున్నారు ఈ అమ్మడు అయితే తాజాగా యాక్షన్-పూరిత అవతారంతో ప్రేక్షకుల దృష్టిని మళ్లీ ఆకర్షిస్తోంది. మునుపటి సినిమాల్లో సాధారణ, నాజూకైన పాత్రల్లో కనిపించిన ఈ అమ్మడు ఇప్పుడు లీడ్ రోల్‌లో యాక్షన్-థ్రిల్లర్ పాత్రతో ప్రేక్షకులను ఆశ్చర్యానికి గురిచేయనుంది.
సోషల్ మీడియా వేదికైనా ఎక్స్ ద్వారా దీపావళి పండుగ సందర్భంగా ఆదివారం రాత్రి బ్లాక్ గోల్డ్ (The Black Gold) అనే సినిమాకు టైటిల్ రివీల్ జరిగింది. దీపావళి సందర్భంగా నిర్మాతలు సంయుక్త ఫస్ట్ లుక్ పోస్టర్‌ను సోషల్ మీడియా ద్వారా విడుదల చేశారు. ఈ ఫస్ట్ లుక్‌లో సంయుక్త కొత్త, బోల్డ్ మాస్ అవతారంలో కనిపిస్తోంది. రైల్వే స్టేషన్‌లో రక్తంతో కవచమైన క్షణంలో చేతిలో గన్ పట్టుకుని, ధైర్యంగా, స్టైలిష్‌గా ఉండటం వలన ప్రేక్షకులను ఆశ్చర్యానికి గురిచేసిందని చెప్పుకోవాలి.
ఈ సినిమాకు దర్శకత్వం వహిస్తున్న యోగి గతంలో 16 ఏళ్ల క్రితం చితంకాయల రవి సినిమాను డైరెక్ట్ చేసి మంచి గుర్తింపు పొందాడు. ఇప్పుడు మళ్లీ ఈ చిత్రానికి దర్శకత్వం వహించడంతో ఈ సినిమాకు అంచనాలు పెరిగాయని చెప్పుకోవాలి ఆయన అనుభవం ఈ సినిమాకు సరికొత్త సృజనాత్మక శైలిని చేర్చుతుందని సినీ విశ్లేషకులు భావిస్తున్నారు.
సంయుక్త తన ట్విట్టర్ ఖాతా ద్వారా ఈ ఫస్ట్ లుక్ పోస్టర్‌ను అభిమానులతో షేర్ చేస్తూ నా హృదయానికి చాలా దగ్గరగా ఉన్న సినిమా ఇది. యాక్షన్, ఎమోషన్, ఇంటెన్సిటీ, హృదయాన్ని తాకే క్షణాలతో నిండిన ఒక అద్భుతమైన ప్రయాణం ఇది. ఇది కేవలం మొదటి అడుగు మాత్రమే. ది బ్లాక్ గోల్డ్ (The Black Gold)’ ద్వారా ఇంకా ఎన్నో విశేషాలు త్వరలో ప్రేక్షకులకు కన్పిస్తాయి అని తెలిపింది.
ప్రస్తుతం, సోషల్ మీడియా లో ఈ ఫస్ట్ లుక్ ట్రెండ్ అవుతోంది. అభిమానులు మరియు ఫ్యాన్స్ ఈ కొత్త అవతారాన్ని ఎంతో ఆసక్తిగా చూసి అభిప్రాయాలు వ్యక్తం చేస్తున్నారు.
