మొదట ఆధార్ కార్డు ప్రతి భారతీయుడికి చాలా ముఖ్యమైన పత్రంగా మారింది. బ్యాంక్‌లో లావాదేవీలు చేయాలన్నా, కొత్త సిమ్‌ కార్డు తీసుకోవాలన్నా లేదా ప్రభుత్వ పథకాల కోసం అప్లై చేయాలన్నా – ఆధార్ తప్పనిసరి అయిపోయింది. అయితే, చాలా సార్లు ఆధార్ కార్డు హార్డ్ కాపీ అవసరమైనప్పుడు దగ్గర లేక ఇబ్బందులు ఎదురవుతుంటాయి. ఈ సమస్యకు ఇప్పుడు సులభమైన పరిష్కారం లభించింది.
ప్రభుత్వం ఇటీవల WhatsApp ద్వారా డిజిటల్ ఆధార్ కార్డు డౌన్‌లోడ్ చేసుకునే సౌకర్యాన్ని అందుబాటులోకి తీసుకువచ్చింది. దీనికోసం MyGov Helpdesk Chatbotను ప్రారంభించారు. ఇది నేరుగా DigiLockerకి లింక్ అయి ఉంటుంది. కాబట్టి ఆధార్ కార్డు లేదా ఇతర పత్రాలు పూర్తిగా సురక్షితంగా ఉంటాయి. సెక్యూరిటీ సమస్యలు ఉండవు.
ఈ సర్వీస్ ద్వారా ఆధార్ కార్డు డౌన్‌లోడ్ చేసుకోవడం చాలా సులభం. ముందుగా +91-9013151515 అనే నంబర్‌ను మీ మొబైల్‌లో సేవ్ చేసుకోవాలి. తర్వాత WhatsAppలోకి వెళ్లి "Hi" లేదా "Namaste" అని మెసేజ్ పంపాలి. వెంటనే ప్రభుత్వ సేవల లిస్ట్ వస్తుంది. అందులో Digital Aadhaar Download ఆప్షన్ ఎంచుకోవాలి.
తర్వాత మీ ఆధార్ నంబర్ ఎంటర్ చేసి వెరిఫై చేయాలి. వెంటనే మీ రిజిస్టర్ చేసిన మొబైల్ నంబర్‌కు OTP వస్తుంది. దాన్ని ఎంటర్ చేసి కన్ఫర్మ్ చేసిన వెంటనే ఆధార్ కార్డు WhatsApp చాట్‌లోనే PDF ఫార్మాట్‌లో వస్తుంది. దాన్ని ఎప్పుడైనా ఓపెన్ చేసి చూడవచ్చు, ఎవరికైనా పంపవచ్చు లేదా ప్రింట్ తీసుకోవచ్చు.
ఈ సౌకర్యం వలన ఇకపై UIDAI వెబ్‌సైట్‌లోకి లాగిన్ అవ్వడం, క్యాప్చా ఎంటర్ చేయడం వంటి కష్టాలు అవసరం ఉండవు. WhatsApp ద్వారా ఆధార్ కార్డు సులభంగా, వేగంగా, భద్రంగా పొందవచ్చు. దీని వలన సాధారణ ప్రజలకు ఎంతో సౌకర్యం కలుగుతుంది.
