తెలుగు ఫిలిం ఫెడరేషన్ (Telugu Film Federation) తాజాగా సంచలనాత్మకంగా ఒక కీలక నిర్ణయం తీసుకుంది. వారు ప్రకటించిన ప్రకారం, రేపటి నుంచి తెలుగు సినిమా పరిశ్రమలో జరిగే అన్ని షూటింగ్లు బంద్ కానున్నాయి. సినిమా షూటింగ్లలో పాల్గొనకూడదని తాము నిర్ణయించుకున్నట్లు ప్రకటించారు. ఈ నిర్ణయం వెనుక ప్రధాన కారణం – వేతనాల పెంపు డిమాండ్.
ఫెడరేషన్కి చెందిన పలువురు కార్మిక సంఘాలు, వర్కర్లు తాము చేస్తున్న శ్రమకు తగిన న్యాయమైన వేతనాలు ఇవ్వాలని, ప్రస్తుతం ఉన్న వేతనాలలో కనీసం 30 శాతం పెంపు చేయాలని కోరుతున్నారు. చాలా కాలంగా వేతనాల పెంపు విషయంలో నిర్లక్ష్యంగా వ్యవహరిస్తున్న నిర్మాతలపై అసంతృప్తితో ఈ నిర్ణయం తీసుకున్నట్టు సమాచారం.
వేతనాలు పెంచడం మాత్రమే కాకుండా, పని చేసిన అదే రోజున వేతనం చెల్లించాలని డిమాండ్ చేస్తున్నారు. షూటింగ్ ముగిసిన తర్వాత వాయిదాలపై వేతనం ఇచ్చే తీరును తీవ్రంగా వ్యతిరేకిస్తున్నారు. రోజువారీ జీవనం ఆధారపడే కార్మికులకి వెంటనే డబ్బు అవసరమవుతుందన్న కారణంతో ఇదే వారి ప్రధాన డిమాండ్గా ఉంది.
ఈ డిమాండ్లను పరిష్కరించేవరకు ఏ ఒక్క వ్యక్తీ, ఏ ఒక్క సంఘీ షూటింగ్లలో పాల్గొనరాదని, దీనిపై అన్ని విభాగాలకు నోటీసులు కూడా జారీ చేసినట్టు తెలుస్తోంది. ఇది తాత్కాలిక ఆందోళనా? లేక దీర్ఘకాల సమస్యగా మారుతుందా? అనేది నిర్మాతల కౌన్సిల్ స్పందన మీద ఆధారపడి ఉంది.
