ఇటీవలి కాలంలో బంగారం ధరల్లో భారీ హెచ్చుతగ్గులు చోటుచేసుకుంటున్నాయి. ఒక దశలో తులం ధర లక్షా 30 వేల మార్క్ను దాటింది. ఆ తర్వాత అంతర్జాతీయ మార్కెట్లలో ధరలు తగ్గడంతో దేశీయంగా కూడా బంగారం రేట్లు పడిపోయాయి. అయితే గత కొద్దిరోజులుగా బంగారం, వెండి ధరలు మళ్లీ పెరుగుతున్నాయి. ప్రపంచ మార్కెట్లో జరుగుతున్న మార్పులు, డిమాండ్–సరఫరాలో తలెత్తుతున్న అస్థిరత కారణంగా ధరలు ఎప్పటికప్పుడు మారుతూ ఉన్నాయి.
శనివారం బంగారం ధరల్లో పెరుగుదల కనిపించింది. 24 క్యారెట్ల బంగారం 10 గ్రాములపై రూ.1,900 మేర పెరిగింది. అదే విధంగా వెండి కిలో ధర రూ.3,000 వరకు పెరిగింది. అయితే ఆదివారం దేశీయంగా బంగారం, వెండి ధరలు స్థిరంగా నమోదయ్యాయి. నవంబర్ 23, ఉదయం 6 గంటల వరకు నమోదైన ధరల ప్రకారం, 24 క్యారెట్ల బంగారం 10 గ్రాముల ధర రూ.1,25,840గా ఉండగా, 22 క్యారెట్ల ధర రూ.1,15,350గా ఉంది. అలాగే వెండి కిలో ధర రూ.1,64,000గా నమోదైంది.
తెలుగు రాష్ట్రాల్లో కూడా ధరలు ఇలాగే కొనసాగాయి. హైదరాబాద్, విజయవాడ, విశాఖపట్నంలో 24 క్యారెట్ల బంగారం 10 గ్రాముల ధర రూ.1,25,840 ఉండగా, 22 క్యారెట్ల బంగారం ధర రూ.1,15,350గా ఉంది. వెండి కిలో ధర ఈ నగరాల్లో రూ.1,72,000గా నమోదైంది. ఢిల్లీ, ముంబై, చెన్నై, బెంగళూరు వంటి ప్రధాన నగరాల్లో ధరలలో స్వల్ప తేడాలు కనిపించాయి. చెన్నైలో 24 క్యారెట్ల బంగారం ధర ఇతర నగరాలతో పోలిస్తే కొంత ఎక్కువగా ఉంది.
దేశంలోని ప్రతి నగరంలో బంగారం, వెండి ధరలు ఒకేలా ఉండవు. స్థానిక డిమాండ్, సరఫరా, రాష్ట్ర పన్నులు, అకౌంట్ చార్జీలు, జువెలర్స్ అసోసియేషన్ నిర్ణయాలు వంటి అంశాల ఆధారంగా ధరలు మారుతాయి. అందుకే ఒకే రోజున కూడా నగరాన్ని బట్టి బంగారం రేట్లు వేర్వేరుగా ఉండే అవకాశం ఉంటుంది. కొనుగోలు చేసే ముందు కచ్చితమైన స్థానిక రేట్లను తెలుసుకోవడం చాలా ముఖ్యం.
బంగారం, వెండి ధరల లైవ్ అప్డేట్స్ తెలుసుకోవాలనుకునేవారికి సులభమైన మార్గాలు కూడా ఉన్నాయి. మీరు 8955664433 నంబర్కు మిస్డ్ కాల్ ఇస్తే రోజువారీ తాజా ధరలు తెలుసుకోవచ్చు. అంతేకాకుండా పలు వెబ్సైట్లు, ఆర్థిక యాప్స్, బ్యాంకులు కూడా రేట్ల వివరాలను నిరంతరం అప్డేట్ చేస్తున్నాయి. ధరల్లో హెచ్చుతగ్గులు ఎక్కువగా ఉన్న ఈ సమయంలో కొనుగోలుదారులు కొంత అప్రమత్తంగా ఉండటం మంచిది.
