అనేకమంది వ్యక్తిగతంగా మరియు వృత్తిపరంగా Gmail అకౌంట్ను ఉపయోగిస్తున్నారు. అయితే, గూగుల్ మెయిల్ వినియోగదారులకు కేవలం 15 జీబీ ఫ్రీ స్టోరేజ్ మాత్రమే అందుతుంది. ఇది త్వరగా నిండిపోతుంది. స్టోరేజ్ పూర్తిగా నిండిన తర్వాత కొత్త మెయిల్స్ రానివ్వవు. ఈ పరిస్థితిలో మెయిల్స్ డిలీట్ చేయకపోతే లేదా స్టోరేజ్ పెంచేందుకు డబ్బు చెల్లించకపోతే కొత్త మెయిల్స్ను అందుకోవడం అసాధ్యం అవుతుంది.
ఈ సమస్యకు పరిష్కారంగా, వినియోగదారులు ఒకేసారి పెద్దఎత్తున మెయిల్స్ను డిలీట్ చేయవచ్చు. అందుకోసం మొదటగా Gmail లోకి లాగిన్ అయి, ఇన్బాక్స్ ఓపెన్ చేయాలి. పై toolbar లో ఉన్న చుక్క పెట్టిన బాక్స్ను క్లిక్ చేస్తే ఆ పేజీలోని అన్ని మెయిల్స్ సెలెక్ట్ అవుతాయి. తర్వాత Trash చిహ్నాన్ని క్లిక్ చేస్తే అవి డిలీట్ అవుతాయి. ఇది Promotions, Social లాంటి ఇతర ఫోల్డర్లకు కూడా వర్తించుతుంది. డిలీట్ చేసిన మెయిల్స్ "Bin" ఫోల్డర్లో 30 రోజులు ఉంటాయి. అవసరమైతే వాటిని తిరిగి తీసుకోవచ్చు లేదా పూర్తిగా తొలగించవచ్చు.
ఇంకా ప్రత్యేకంగా కొన్ని మెయిల్స్ మాత్రమే తొలగించాలనుకుంటే, sender, date, size వంటి వివరాల ఆధారంగా సెర్చ్ చేయవచ్చు. ఆపై వచ్చిన మెయిల్స్ను ఒకేసారి సెలెక్ట్ చేసి డిలీట్ చేయొచ్చు. ఇది ముఖ్యమైన మెయిల్స్ను ఉంచుతూ, అవసరంలేనివి తొలగించడానికి బాగా ఉపయోగపడుతుంది. అంతేకాక, మీరు ఇన్బాక్స్ను పూర్తిగా ఖాళీ చేయాలనుకుంటే, మొత్తం మెయిల్స్ను ఒకేసారి డిలీట్ చేసే అవకాశాన్ని Gmail అందిస్తోంది.
