- కుప్పం మోడల్ హెల్త్ రికార్డ్స్ను అడిగి తెలుసుకున్న బిల్ గేట్స్..
- ఏపీ భవిష్యత్తు కోసం గేట్స్ ఫౌండేషన్ - సర్కార్ కీలక చర్చలు..
అమరావతి వేదికగా ఒక అద్భుతమైన కలయిక జరిగింది. ప్రపంచ ఐటీ దిగ్గజం బిల్ గేట్స్, టెక్నాలజీ అంటే ప్రాణం ఇచ్చే ఏపీ సీఎం చంద్రబాబు నాయుడుతో కలిసి సచివాలయంలోని రియల్ టైమ్ గవర్నెన్స్ సెంటర్ (RTGS) ను సందర్శించారు. గతంలో హైదరాబాద్ను ఐటీ హబ్గా మార్చిన వీరిద్దరి మధ్య అనుబంధం ఇప్పుడు నవ్యాంధ్ర అభివృద్ధి కోసం మళ్లీ చిగురించింది. సచివాలయంలో జరిగిన ఈ కీలక భేటీలో చర్చకు వచ్చిన అంశాలను, మన రాష్ట్రం టెక్నాలజీలో ఎక్కడ ఉందో వివరించే ముఖ్యాంశాలను ఇక్కడ చూద్దాం. సచివాలయంలోని ఆర్టీజీఎస్ సెంటర్లోకి అడుగుపెట్టిన బిల్ గేట్స్ అక్కడి 'డిస్ ప్లే వాల్స్' (భారీ తెరలు) చూసి ఆశ్చర్యపోయారు. రాష్ట్రంలో ఎక్కడ ఏం జరుగుతుందో తెలుసుకునే విధానాన్ని సీఎం స్వయంగా వివరించారు.
