ఎన్నారై టీడీపీ సమావేశంలో కీలక వ్యాఖ్యలు.. కూటమి ప్రభుత్వంలో పెట్టుబడుల హోరు! చంద్రబాబుతోనే రాష్ట్రానికి..

ఐదేళ్ల వైఎస్సార్ కాంగ్రెస్ పార్టీ (YSRCP) పాలనలో ఆంధ్రప్రదేశ్ (Andhra Pradesh) రాజధాని అమరావతి పూర్తిగా భ్రష్టుపట్టింది అని టీడీపీ ఎమ్మెల్యే ఆరిమిల్లి రాధాకృష్ణ తీవ్ర విమర్శలు చేశారు. ఆదివారం న్యూజిలాండ్‌లో ఎన్నారై టీడీపీ సమావేశంలో మాట్లాడిన ఆయన, రాష్ట్ర భవిష్యత్తు గురించి, ప్రస్తుత కూటమి ప్రభుత్వం చేస్తున్న పనుల గురించి వివరించారు.

జగన్ పాలన రాష్ట్రానికి ఎంత నష్టం చేసిందో, ఇప్పుడు తిరిగి అధికారంలోకి వచ్చిన చంద్రబాబు ఎంత వేగంగా పనులు పరుగులు పెట్టిస్తున్నారో ఆయన చెప్పారు. ఈ వ్యాఖ్యలు ప్రవాసాంధ్రుల్లో ఉత్సాహాన్ని నింపాయి.

టీడీపీ ఎమ్మెల్యే రాధాకృష్ణ అమరావతి నిర్మాణం గురించి ప్రధానంగా మాట్లాడారు. గతంలో చంద్రబాబు 70 శాతం వరకు అమరావతి నిర్మాణాన్ని పూర్తి చేశారని. కానీ, తర్వాత అధికారంలోకి వచ్చిన వైఎస్ జగన్ రెడ్డి కనీసం 6 శాతం (6%) పనులు కూడా పూర్తి చేయలేక అమరావతిని భ్రష్టు పట్టించారని విమర్శించారు.

రాష్ట్రంలో తిరిగి చంద్రబాబు అధికారంలోకి వచ్చాక, అమరావతికి (Amaravati) పునర్జీవం పోశారని చెప్పారు. ప్రస్తుతం పరిపాలనా భవనాలు నిర్మిస్తున్నారని తెలిపారు. జగన్ రెడ్డి శాశ్వతంగా ముఖ్యమంత్రిగా ఉంటానని భావించి ప్రజల డబ్బుతో  రూ. 500 కోట్లతో ప్యాలెసు నిర్మించుకున్నారని ఆయన విమర్శించారు.

రాష్ట్రంలో అభివృద్ధి పనులు మరియు పెట్టుబడుల విషయంలో కూటమి ప్రభుత్వం చూపుతున్న పట్టుదలను కూడా ఎమ్మెల్యే వివరించారు.

గతంలో చంద్రబాబు (Chandrababu) పోలవరం నిర్మాణాన్ని పరుగులు పెట్టించారని. మళ్లీ అధికారంలోకి వచ్చాక, పోలవరం నిర్మాణాన్ని సైతం పరుగుల పెట్టిస్తున్నారని వివరించారు. సీబీఎన్ అనే మూడు అక్షరాలు రాష్ట్రానికి ఒక 'బ్రాండ్' మరియు 'భవిష్యత్' అని ఆయన ఉద్ఘాటించారు. ఈ విశ్వాసం ప్రపంచవ్యాప్తంగా ఉన్న తెలుగు ప్రజల్లో ఉందని చెప్పారు.

కూటమి ప్రభుత్వం అధికారంలోకి వచ్చిన కేవలం 16 నెలల్లో 16 లక్షల కోట్ల పెట్టుబడులు రాష్ట్రానికి వచ్చాయని తెలిపారు. ముఖ్యంగా విశాఖపట్నంలో (Visakhapatnam) పెట్టుబడులు పెట్టేందుకు ఎంతోమంది ముందుకు వస్తున్నారని చెప్పారు.

న్యూజిలాండ్‌లో ఉన్న ఎన్నారైలతో మాట్లాడుతూ, రాష్ట్రంలో మళ్లీ అభివృద్ధి యుగం ప్రారంభమైందని రాధాకృష్ణ (Radhakrishna) చెప్పారు. గత ప్రభుత్వం రాజధానిని, పోలవరాన్ని నిలిపివేసి రాష్ట్ర అభివృద్ధిని వెనక్కి లాగింది అని, ఇప్పుడు కూటమి ప్రభుత్వం వేగంగా ముందుకు తీసుకెళ్తోందని వివరించారు. ప్రవాసాంధ్రులు కూడా రాష్ట్ర అభివృద్ధిలో భాగస్వాములు కావాలని ఆయన కోరారు.