భారతీయ జీవిత బీమా సంస్థ (LIC) 2025 సంవత్సరానికి భారీ ఉద్యోగ నియామకాలకు నోటిఫికేషన్ విడుదల చేసింది. మొత్తం 491 పోస్టులు భర్తీ చేయనున్నట్లు ప్రకటించింది. వీటిలో 81 అసిస్టెంట్ ఇంజినీర్ (AE), 410 అసిస్టెంట్ అడ్మినిస్ట్రేటివ్ ఆఫీసర్ (AAO) ఖాళీలు ఉన్నాయి. దరఖాస్తు ప్రక్రియ ఆగస్టు 16, 2025 నుంచి ప్రారంభమై సెప్టెంబర్ 8, 2025 వరకు కొనసాగుతుంది. ఆసక్తి గల అభ్యర్థులు LIC అధికారిక వెబ్సైట్ licindia.in ద్వారా ఆన్లైన్లో దరఖాస్తు చేసుకోవచ్చు.
ఈ ఉద్యోగాలకు అర్హతగా గ్రాడ్యుయేషన్, B.Tech/B.E, LLB, CA లేదా ICSI వంటి విద్యార్హతలు అవసరం. వయస్సు పరిమితి కనీసం 21 సంవత్సరాలు, గరిష్టంగా 30 సంవత్సరాలుగా నిర్ణయించారు. అయితే ప్రభుత్వ నియమావళి ప్రకారం రిజర్వేషన్ వర్గాలకు వయస్సులో సడలింపులు వర్తిస్తాయి. ఎంపిక విధానం ఆన్లైన్ పరీక్షల ద్వారానే జరుగుతుంది. మొదట ప్రిలిమినరీ పరీక్ష, అనంతరం మెయిన్స్ పరీక్ష నిర్వహించబడుతుంది.
దరఖాస్తు ఫీజు SC/ST/PwBD అభ్యర్థులకు రూ.85 + GST కాగా, ఇతరులకు రూ.700 + GSTగా నిర్ణయించారు. అదనంగా ట్రాన్సాక్షన్ ఛార్జీలు వర్తిస్తాయి. వేతన పరంగా ఈ ఉద్యోగాలు ఆకర్షణీయంగా ఉంటాయి. ఎంపికైన వారికి ప్రాథమిక జీతం రూ.88,635గా నిర్ణయించగా, అనుభవం మరియు ప్రమోషన్ల ఆధారంగా గరిష్టంగా రూ.1,69,025 వరకు పెరుగుతుంది. LIC సూచన ప్రకారం, అభ్యర్థులు తప్పనిసరిగా పూర్తి నోటిఫికేషన్ను చదివిన తర్వాతే దరఖాస్తు చేయాలి.
