అమెజాన్ గ్రేట్ ఇండియన్ ఫెస్టివల్ సేల్ ఈ నెల 23న ప్రారంభం కానుంది. అయితే సేల్ మొదలయ్యేలోపే కొన్ని ప్రముఖ స్మార్ట్ఫోన్లపై అమెజాన్ భారీ డిస్కౌంట్ ఆఫర్లు ప్రకటించింది. వాటిలో ముఖ్యంగా షావోమీ 14 సివి స్మార్ట్ఫోన్ ధర గణనీయంగా తగ్గించబడింది. అసలు ధర రూ.55 వేలుగా ఉండే ఈ ఫోన్ను కేవలం రూ.26 వేలకే కొనుగోలు చేసే అవకాశం వినియోగదారులకు లభిస్తోంది.
ఈ ఫోన్ ధర వివరాలు చూస్తే, 8GB RAM + 256GB స్టోరేజ్ వర్షన్ను అమెజాన్ రూ.27,999కి అందిస్తోంది. అలాగే 12GB RAM + 512GB స్టోరేజ్ వర్షన్ ధర రూ.30,999గా ఉంది. SBI బ్యాంక్ క్రెడిట్, డెబిట్ కార్డులపై అదనపు డిస్కౌంట్తో ధర మరింత తగ్గుతుంది. ఫైనల్ ప్రైస్ రూ.26,499 వరకూ తగ్గిపోవడం టెక్నాలజీ ప్రేమికులకు పెద్ద గుడ్ న్యూస్ అని చెప్పొచ్చు.
స్పెసిఫికేషన్ల పరంగా చూస్తే, షావోమీ 14 సివి Qualcomm Snapdragon 8s Gen 3 చిప్సెట్తో శక్తివంతంగా పనిచేస్తుంది. 12GB వరకు LPDDR5X RAM, 512GB UFS 4.0 స్టోరేజ్ సపోర్ట్ ఉంటుంది. 50MP లైకా Summilux మెయిన్ కెమెరా, 50MP టెలిఫోటో లెన్స్, 12MP అల్ట్రా వైడ్ లెన్స్లతో కూడిన ట్రిపుల్ కెమెరా సెటప్ దీని ప్రత్యేకత. సెల్ఫీ కోసం 32MP డ్యూయల్ కెమెరాలు కూడా అందుబాటులో ఉన్నాయి.
బ్యాటరీ విషయానికి వస్తే, 4700mAh కెపాసిటీతో పాటు 67W ఫాస్ట్ ఛార్జింగ్ సపోర్ట్ ఉంది. అలాగే Xiaomi IceLoop అనే కూలింగ్ సిస్టమ్ ఫోన్ ఎక్కువ వేడెక్కకుండా కాపాడుతుంది. డిస్ప్లే 6.55 అంగుళాల AMOLED 1.5K రిజల్యూషన్తో వస్తుంది. 120Hz రిఫ్రెష్ రేట్, 3000 నిట్స్ బ్రైట్నెస్ వంటి ఫీచర్లతో విజువల్ అనుభవం అద్భుతంగా ఉంటుంది.
రూ.26 వేల పరిధిలో లైకా కెమెరాలతో, శక్తివంతమైన ప్రాసెసర్తో, ప్రీమియం డిజైన్తో స్మార్ట్ఫోన్ అందుబాటులోకి రావడం చాలా అరుదు. కాబట్టి ఫోటోగ్రఫీ, గేమింగ్, మల్టీటాస్కింగ్లో ఆసక్తి ఉన్నవారికి ఈ షావోమీ 14 సివి బెస్ట్ ఆప్షన్ అని చెప్పొచ్చు. అమెజాన్ సేల్ సమయంలో ఈ ఆఫర్ వినియోగించుకోవడం వల్ల నిజంగానే మంచి డీల్ అని చెప్పాలి.
