ఆరోగ్యమే మహాభాగ్యం అంటారు పెద్దలు నాన్ వెజ్ విభిన్న రకాలమైన వంటకాలు ఉంటాయి. వెజిటేరియన్స్ కి పరిమితంగానే ఉంటాయి మటన్ తో పాటు ప్రోటీన్ అందించే రెసిపీ లో సోయా ఒకటిగా చెప్పుకోవచ్చు సోయా అనే పేదవారి మాంసం అని కూడా చెబుతా ఉంటారు. రోజూ చికెన్ మటన్ ఇలా తినే కన్నా ఒక్కసారి మటన్ కూడా సరిపోయేలా సోయా కీమా కర్రీ చేసి చూడండి. ఇంటిలిపాది ఫిదా అయిపోవడమే
ఇంట్లో రోజూ అదే రకం కూరలు తినడంతో బోర్ కొట్టినప్పుడు కాస్త కొత్తగా, రుచిగా, ఆరోగ్యంగా ఏదైనా చేయాలనిపిస్తే సోయా కీమా కర్రీ మంచి ఎంపికగా చెప్పుకోవచ్చు. మాంసాహారం తినని వారికి ప్రోటీన్ ఎక్కువగా అందించే వంటకం కావడంతో పాటు, రోటీ, చపాతీ, పూరీ, అన్నం అన్నింటికీ సూపర్ కాంబినేషన్గా నిలుస్తుంది. సోయా లేదా మీల్మేకర్తో చేసే ఈ కర్రీ చూడటానికి చికెన్ కీమాలానే కనిపిస్తూ, రుచిలో కూడా చికెన్ కి సరిపోదు ఎవరు తిన్న ఫిదా అయిపోవాల్సిందే.
సోయాను కేవలం ఫ్రై లేదా కర్రీలా మాత్రమే చేస్తుంటారు. కానీ దాన్ని కీమా స్టైల్లో గ్రేవీతో చేస్తే టేస్ట్ మరో లెవల్కు వెళ్తుంది. ఈ సోయా కీమా కర్రీ ప్రత్యేకత ఏమిటంటే ఎక్కువ టైమ్ పట్టకుండా, ఇంట్లో ఉండే మసాలాలతోనే ఈజీగా తయారుచేసుకోవచ్చు. పైగా ఈ కర్రీ ఘుమఘుమలాడే వాసనతో ఇంటి మొత్తం పరిమళంతో నిండిపోతుంది.
ముందుగా సోయా మీల్మేకర్ను వేడి నీళ్లలో కొద్ది సేపు నానబెట్టి, నీరు బాగా పిండి పక్కన పెట్టుకోవాలి. ఇలా చేయడం వల్ల సోయాలో ఉండే వాసన పూర్తిగా పోతుంది. తర్వాత మిక్సీలో కొద్దిగా బరకగా గ్రైండ్ చేస్తే కీమా టెక్స్చర్ వస్తుంది. మరోవైపు టమోటాలు, పచ్చిమిర్చి, అల్లం, వెల్లుల్లి కలిపి పేస్ట్ చేసుకుంటే కర్రీకి మంచి అరోమానిస్తుంది.
కడాయిలో ఆయిల్, నెయ్యి వేడి చేసి బిర్యానీ ఆకు, దాల్చిన చెక్క, యాలకులు, లవంగాలు, జీలకర్ర వేస్తే మంచి సువాసన వస్తుంది. అందులో ఉల్లిపాయలు వేసి బంగారు రంగు వచ్చే వరకు వేయించాలి. తర్వాత టమోటా పేస్ట్ వేసి మంట తగ్గించి నిదానంగా కలుపుతూ వేయిస్తే ఆయిల్ పైకి తేలుతుంది. అప్పుడే ఉప్పు, పసుపు, కారం, ధనియాల పొడి వేసి మసాలా బాగా కలిసేలా చేయాలి.
ఇప్పుడు పెరుగు వేసి కలిపితే గ్రేవీకి మంచి సాఫ్ట్ టెక్స్చర్ వస్తుంది. ఆ తర్వాత గ్రైండ్ చేసి పెట్టుకున్న సోయా కీమాను వేసి మెల్లగా కలపాలి. మూతపెట్టి కొద్ది నిమిషాలు ఉడికిస్తే మసాలా మొత్తం సోయాలోకి చొచ్చుకుపోతుంది. అవసరానికి తగినంత నీళ్లు పోసి మీడియం మంటపై ఉడికించుకుంటే చిక్కటి గ్రేవీ రెడీ అవుతుంది.
చివరగా గరం మసాలా, కసూరి మెంతి, కొత్తిమీర వేసి స్టవ్ ఆఫ్ చేస్తే రెస్టారెంట్ స్టైల్ సోయా కీమా కర్రీ సిద్ధం. ఈ కర్రీ వేడివేడి అన్నంతో తింటే అద్భుతంగా ఉంటుంది. అలాగే చపాతీ లేదా నాన్తో కలిపి తింటే డిన్నర్కు బెస్ట్ ఆప్షన్గా మారుతుంది. రుచితో పాటు ఆరోగ్యాన్ని కూడా అందించే ఈ సోయా కీమా కర్రీని ఒకసారి ట్రై చేస్తే, మళ్లీ మళ్లీ చేసుకోవాలనిపించడం ఖాయం.
