మంచు కురిసే వేళలో.. క్రిస్మస్ పండుగ సమయంలోనే ప్లం కేక్ అనేది చేసుకుంటూ ఉంటారు.. తినాలనిపించినప్పుడు వెంటనే బేకరీలకు వెళ్లకుండా మన ఇంట్లోనే ఈజీగా చేసుకునే ప్లం కేక్ చేసేద్దామా మరి..
ప్లం కేక్ రుచికి డ్రై ఫ్రూట్స్ నానబెట్టడం.. దీని కోసం కిస్మిస్, బాదం, జీడిపప్పు, టూటీ ఫ్రూటీ, చెర్రీలు మరియు ఎండు ద్రాక్షలను విరివిగా వాడాలి. అయితే, వీటిని నేరుగా పిండిలో కలపకూడదు. తాజా ఆరెంజ్ జ్యూస్లో ఈ డ్రై ఫ్రూట్స్ను కనీసం రెండు నుంచి మూడు గంటల పాటు నానబెట్టాలి. ఇలా చేయడం వల్ల పండ్ల ముక్కలు రసాన్ని పీల్చుకుని, కేక్ తింటున్నప్పుడు నోటిలో జ్యూసీగా తగులుతాయి. వీలైతే ఒక రోజు ముందే నానబెట్టుకుంటే ఫలితం మరింత మెరుగ్గా ఉంటుంది.
ప్లం కేక్ అనగానే మనకు గుర్తొచ్చే ముదురు గోధుమ రంగు (Dark Brown) కోసం ఎటువంటి కృత్రిమ రంగులు వాడాల్సిన అవసరం లేదు. కేవలం పంచదారతోనే ఈ రంగును చేసుకోవచ్చు. ఒక పాత్రలో పంచదారను తీసుకుని సన్నని మంటపై వేడి చేయాలి. పంచదార కరిగి ద్రవంగా మారి, క్రమంగా రంగు మారుతూ 'తేనె' రంగులోకి వచ్చినప్పుడు తగినన్ని నీళ్లు పోయాలి. ఇదే కారామెల్ సిరప్. ఈ సిరప్ కేక్కు అద్భుతమైన రంగుతో పాటు ఒక ప్రత్యేకమైన రుచిని కూడా జోడిస్తుంది.
అయితే సాధారణ కేకులకు, ప్లం కేకులకు ఉన్న ప్రధాన వ్యత్యాసం 'స్పైసెస్'. దాల్చిన చెక్క, లవంగాలు, యాలకులు మరియు కొద్దిగా జాజికాయ పొడిని మైదా పిండిలో కలపాలి. ఈ మసాలా దినుసుల ఘుమఘుమలు ప్లం కేక్కు ఒక రాయల్ లుక్ను మరియు అమోఘమైన వాసనను ఇస్తాయి.
తయారీ ఇలా..
ఒక పెద్ద మిక్సింగ్ బౌల్లో వెన్న తీసుకుని, అందులో పాలు మరియు కారామెల్ సిరప్ కలపాలి. ఆపై మైదా పిండి, బేకింగ్ పౌడర్, బేకింగ్ సోడా మరియు మసాలా పొడులను జల్లించి వేసుకోవాలి. చివరగా ఆరెంజ్ జ్యూస్లో నానిన డ్రై ఫ్రూట్స్ను వేసి 'కట్ అండ్ ఫోల్డ్' పద్ధతిలో నిదానంగా కలపాలి. మిశ్రమం మరీ పల్చగా ఉండకూడదు..
బేకింగ్ చిట్కాలు
ముందుగా సిద్ధం చేసుకున్న కేక్ పాత్రలో ఈ మిశ్రమాన్ని పోసి, పైన మరిన్ని జీడిపప్పులు, చెర్రీలతో అందంగా అలంకరించాలి. ఓవెన్లో అయితే 180 డిగ్రీల వద్ద, లేదా స్టౌ మీద మందపాటి గిన్నెలో ఉంచి సుమారు 40-50 నిమిషాల పాటు బేక్ చేయాలి. కేక్ ఉడికిన తర్వాత వచ్చే ఆ సువాసన ఇల్లంతా పండుగ వాతావరణాన్ని నింపుతుంది. పూర్తిగా చల్లారిన తర్వాతే ముక్కలుగా కట్ చేసుకుని ఆ చేస్తా తింటుంటే ఉంటుంది... మీకు ఇప్పుడే తినాలి అనిపిస్తుంది కదా ఇంకెందుకు ఆలస్యం ఒకసారి ట్రై చేయండి మరి
