సంక్రాంతి పండుగను (Sankranthi race) లక్ష్యంగా చేసుకుని విడుదల కావాల్సిన మరో సినిమా కూడా రేసు నుంచి తప్పుకునే పరిస్థితి కనిపిస్తోంది. శివకార్తికేయన్, శ్రీలీల జంటగా నటించిన ‘పరాశక్తి’ సినిమా తెలుగు వెర్షన్ సంక్రాంతి బరి నుంచి ఔట్ అయినట్లు సినీ వర్గాల్లో జోరుగా చర్చ జరుగుతోంది. తొలుత ఈ చిత్రాన్ని జనవరి 10న తమిళంతో పాటు తెలుగులోనూ గ్రాండ్గా రిలీజ్ చేయాలని మేకర్స్ ప్లాన్ చేశారు. అయితే తాజా సమాచారం ప్రకారం, తెలుగులో సరైన థియేటర్లు (shortage of theaters) దొరకకపోవడంతో విడుదలను వాయిదా వేసే అవకాశాలు ఎక్కువగా ఉన్నట్లు తెలుస్తోంది.
సంక్రాంతి సీజన్ అంటేనే భారీ సినిమాలు, స్టార్ హీరోల చిత్రాలతో థియేటర్లు నిండిపోతాయి. ఈ ఏడాది కూడా అదే పరిస్థితి నెలకొంది. ఇప్పటికే తెలుగులో రాజాసాబ్, (Rajasaheb), (MSVPG) వంటి పెద్ద సినిమాలు సంక్రాంతికి బరిలో ఉండటంతో థియేటర్ల కోసం తీవ్రమైన పోటీ ఏర్పడింది. ఈ నేపథ్యంలో తమిళ డబ్బింగ్ సినిమాలకు సరైన స్క్రీన్స్ దొరకడం కష్టంగా మారింది. అదే పరిస్థితి ‘పరాశక్తి’ సినిమాకు ఎదురైనట్లు సమాచారం. మంచి బజ్ ఉన్నా, థియేటర్ల లభ్యత లేకపోవడం ఈ చిత్రానికి ప్రధాన అడ్డంకిగా మారిందని ట్రేడ్ వర్గాలు అంటున్నాయి.
శివకార్తికేయన్కు తెలుగులో క్రమంగా మార్కెట్ పెరుగుతున్నా, సంక్రాంతి లాంటి పెద్ద సీజన్లో స్టార్ హీరోల సినిమాల మధ్య పోటీ పడటం అంత సులువు కాదు. పైగా, ప్రేక్షకులు ఈ పండుగకు ఎక్కువగా భారీ కమర్షియల్ సినిమాల వైపే మొగ్గు చూపుతారు. అలాంటి పరిస్థితుల్లో పరిమిత థియేటర్లతో రిలీజ్ చేస్తే కలెక్షన్లపై ప్రభావం పడే అవకాశం ఉండటంతో మేకర్స్ వెనక్కి తగ్గినట్లు తెలుస్తోంది. అందుకే సినిమాను మరొక అనుకూలమైన తేదీకి షిఫ్ట్ చేయాలనే ఆలోచనలో ఉన్నారని సమాచారం.
ఇదే సమయంలో ఇప్పటికే విజయ్ నటించిన ‘జననాయగన్’ సినిమా కూడా సెన్సార్ సమస్యల కారణంగా సంక్రాంతి రేసు నుంచి తప్పుకున్న విషయం తెలిసిందే. ఒకదాని తర్వాత ఒకటి సినిమాలు ఔట్ కావడంతో ఈసారి సంక్రాంతి పోటీ మరింత ఆసక్తికరంగా మారింది. భారీ సినిమాలకు మాత్రమే థియేటర్లు దక్కుతుండగా, మిడ్రేంజ్ లేదా డబ్బింగ్ సినిమాలు వెనక్కి తగ్గాల్సిన పరిస్థితి ఏర్పడింది.
మొత్తంగా చూస్తే, సంక్రాంతి సీజన్లో విడుదల కావడం కన్నా సరైన థియేటర్లు, మంచి స్క్రీన్ కౌంట్తో ప్రేక్షకుల ముందుకు రావడమే ముఖ్యమని మేకర్స్ భావిస్తున్నట్లు కనిపిస్తోంది. ‘పరాశక్తి’ తెలుగు వెర్షన్ విడుదలపై అధికారిక ప్రకటన రావాల్సి ఉన్నప్పటికీ, ప్రస్తుతానికి మాత్రం సంక్రాంతి బరి నుంచి తప్పుకోవడం దాదాపు ఖరారైనట్లేనని సినీ వర్గాలు విశ్లేషిస్తున్నాయి. ఇప్పుడు ఈ సినిమా ఎప్పుడు విడుదలవుతుందన్నదే ప్రేక్షకుల్లో ఆసక్తిని రేకెత్తిస్తోంది.
