నాలుగు వారాల ఆన్లైన్ 'AI క్లాస్రూమ్' ప్రారంభం.
2 TB స్టోరేజ్ మరియు అత్యాధునిక AI సాధనాలు.
27,000 మంది విద్యార్థులు, ఉపాధ్యాయులకు లబ్ధి.
మారుతున్న కాలానికి అనుగుణంగా సాంకేతికతను అందిపుచ్చుకోవడంలో తెలుగు విద్యార్థులను ప్రపంచస్థాయిలో నిలబెట్టేందుకు రిలయన్స్ జియో నడుం బిగించింది. ఆర్టిఫిషియల్ ఇంటెలిజెన్స్ (AI) రంగంలో వస్తున్న పెను మార్పులను దృష్టిలో ఉంచుకుని, తెలంగాణ మరియు ఆంధ్రప్రదేశ్ రాష్ట్రాల్లోని పాఠశాల విద్యార్థులు, ఉపాధ్యాయులకు ఉచితంగా 'AI ఎడ్యుకేషన్' అందించే బృహత్తర కార్యక్రమానికి శ్రీకారం చుట్టింది. గూగుల్ యొక్క అత్యాధునిక 'జెమిని ప్రో' అప్లికేషన్ ద్వారా ఈ శిక్షణను అందజేస్తున్నారు.
ప్రస్తుత పోటీ ప్రపంచంలో కేవలం పుస్తక జ్ఞానం మాత్రమే సరిపోదు. కోడింగ్, గ్రాఫిక్ డిజైన్, ప్రాజెక్ట్ మేనేజ్మెంట్ వంటి అంశాల్లో AI పాత్ర కీలకంగా మారింది. ఈ విషయాన్ని గుర్తించిన జియో, ఇప్పటికే తెలుగు రాష్ట్రాల్లోని సుమారు 2,200 పాఠశాలల్లో విజయవంతంగా అవగాహన సదస్సులు నిర్వహించింది. జియో సీనియర్ ఎగ్జిక్యూటివ్ల నేతృత్వంలో జరుగుతున్న ఈ శిక్షణా తరగతుల్లో దాదాపు 27,000 మందికి పైగా భాగస్వాములయ్యారు. ముఖ్యంగా ఆంధ్రప్రదేశ్లో 20 వేల మంది, తెలంగాణలో 7 వేల మంది విద్యార్థులు, ఉపాధ్యాయులు ఈ నూతన సాంకేతికతపై పట్టు సాధిస్తున్నారు.
విద్యార్థులు పాఠ్యాంశాలకు సంబంధించిన నోట్స్ తయారు చేసుకోవడానికి లేదా క్లిష్టమైన ప్రాజెక్ట్లు చేయడానికి ఎంతో సమయం వెచ్చిస్తుంటారు. అయితే, గూగుల్ జెమిని ప్రో సహాయంతో సంక్లిష్టమైన కోడింగ్ను సులభంగా అర్థం చేసుకోవడం, అసైన్మెంట్లను వేగంగా పూర్తి చేయడం మరియు సరికొత్త ఐడియాలను సృష్టించడం ఎలాగో ఈ వర్క్షాప్లలో వివరిస్తున్నారు. ఇది కేవలం విద్యార్థులకే కాకుండా, ఉపాధ్యాయులు తమ బోధనా పద్ధతులను మెరుగుపరుచుకోవడానికి కూడా ఎంతగానో ఉపయోగపడుతోంది.
సాంకేతికతను కేవలం శిక్షణకే పరిమితం చేయకుండా, దానిని ఆచరణలోకి తీసుకురావడానికి జియో తన 5G సబ్స్క్రైబర్లకు అద్భుతమైన అవకాశం కల్పించింది. సుమారు రూ.35,100 విలువ చేసే 'గూగుల్ జెమిని ప్రో ప్లాన్'ను ఏకంగా 18 నెలల పాటు ఉచితంగా అందిస్తోంది. దీని ద్వారా వినియోగదారులు మైజియో (MyJio) యాప్ ఉపయోగించి జెమిని 3 ప్రో మోడల్ను యాక్టివేట్ చేసుకోవచ్చు. ఇందులో చిత్రాల తయారీకి 'నానో బనానా ప్రో', వీడియోల కోసం 'వీయో 3.1' వంటి అత్యాధునిక టూల్స్ అందుబాటులో ఉన్నాయి. అంతేకాకుండా, 2 TB క్లౌడ్ స్టోరేజ్ సౌకర్యం కూడా లభిస్తుంది.
విద్యార్థుల ఉపాధి అవకాశాలను మెరుగుపరిచేందుకు 'జియో AI క్లాస్రూమ్' పేరుతో నాలుగు వారాల ఆన్లైన్ సర్టిఫికేషన్ కోర్సును కూడా సంస్థ ప్రారంభించింది. ఆసక్తి గల విద్యార్థులు Jio.com/ai-classroom పోర్టల్ ద్వారా తమ పేర్లను నమోదు చేసుకుని, నిపుణుల పర్యవేక్షణలో శిక్షణ పొందవచ్చు. శిక్షణ పూర్తి చేసుకున్న వారికి సర్టిఫికేట్లు కూడా అందజేయనున్నారు. టెలికాం రంగంలో సంచలనం సృష్టించిన జియో, ఇప్పుడు విద్యా రంగంలో AI విప్లవాన్ని తీసుకువస్తూ తెలుగు విద్యార్థుల భవిష్యత్తుకు బంగారు బాటలు వేస్తుందని చెప్పుకోవాలి.
