రష్యా నుంచి చమురు కొనుగోలు చేస్తున్నందుకు భారత్పై అమెరికా మాజీ అధ్యక్షుడు డోనాల్డ్ ట్రంప్ తీవ్రంగా విమర్శలు చేసి, భారీ సుంకాలు విధించాలని హెచ్చరించిన సంగతి తెలిసిందే. ఈ వ్యాఖ్యలపై రష్యా అధ్యక్షుడు వ్లాదిమిర్ పుతిన్ బలమైన స్పందన వ్యక్తం చేశారు.
భారత్ తన స్వంత అవసరాల కోసం చమురు కొనుగోలు చేస్తోంది కాబట్టి ఎవరూ దానిపై ఒత్తిడి చేయకూడదని ఆయన స్పష్టం చేశారు. బయటి దేశాల హెచ్చరికలు లేదా బెదిరింపులు చూసి భారత్ తన నిర్ణయాలను మార్చుకోవాల్సిన అవసరం లేదని పుతిన్ అన్నారు.
గురువారం దక్షిణ సోచిలో మీడియాతో మాట్లాడిన పుతిన్, ట్రంప్ తీసుకుంటున్న విధానాలను తీవ్రంగా విమర్శించారు. మాస్కోతో ఇంధన వ్యాపారం చేయొద్దని ఇతర దేశాలపై ఒత్తిడి తేవడం పూర్తిగా తప్పు చర్య అని ఆయన పేర్కొన్నారు. ఇలాంటి చర్యల వల్ల చివరికి అమెరికాకే దెబ్బ తగులుతుందని పుతిన్ హెచ్చరించారు.
రష్యా వాణిజ్య భాగస్వాములపై అమెరికా భారీ సుంకాలు విధిస్తే, అది కేవలం ఆ దేశాలకే కాదు, ప్రపంచం మొత్తం ఇంధన ధరలపై ప్రతికూల ప్రభావం చూపుతుందని పుతిన్ చెప్పారు. చమురు ధరలు పెరగడం వల్ల యూఎస్ ఫెడరల్ రిజర్వ్ వడ్డీ రేట్లు పెంచక తప్పదని, దాంతో అమెరికా ఆర్థిక వ్యవస్థ నెమ్మదించే ప్రమాదం ఉందని ఆయన వివరించారు.
పుతిన్ ఇంధన రంగం అనేది గ్లోబల్ మార్కెట్. ఒక దేశం మరో దేశంపై ఒత్తిడి తీసుకొచ్చినా, ఆ దుష్ప్రభావం ప్రపంచమంతటికీ వస్తుంది. అందుకే అమెరికా తన విధానాల్లో మార్పులు చేసుకోవాలని ఆయన సూచించారు.
ఈ సందర్భంగా పుతిన్ తన రాబోయే భారత్ పర్యటన గురించి కూడా వెల్లడించారు. డిసెంబరులో భారత్ లో పర్యటించనున్నారని తెలిపారు. ప్రధాన మంత్రి నరేంద్ర మోదీతో మోదీతో తనకు ఉన్న స్నేహబంధం ఎంతో బలంగా ఉందని, ఇద్దరు దేశాల మధ్య వాణిజ్య, ఇంధన, రక్షణ రంగాలలో అభివృద్ధి గురించి చర్చించనున్నారు అని తెలిపారు.
రష్యా–భారత్ సంబంధాలు ఎప్పటినుంచో బలంగా ఉన్నాయని ఎప్పటికీ మిత్రదేశాలుగానే కొనసాగుతాయని పుతిన్ విశ్వాసం వ్యక్తం చేశారు. బయటి దేశాల ఒత్తిడిని పట్టించుకోకుండా రెండు దేశాలు తమ ప్రయోజనాల కోసం కలిసి ముందుకు సాగాలని ఆయన పిలుపునిచ్చారు.
