భారత్ యొక్క సైనిక ధైర్యం, రక్షణ శక్తి ఎంత స్థాయిలో ఉందో ‘ఆపరేషన్ సిందూర్’ ద్వారా ప్రపంచం మొత్తం గ్రహించిందని ప్రధాని నరేంద్ర మోదీ స్పష్టంచేశారు. తమిళనాడులోని అరియలూరు జిల్లాలో జరిగిన బహిరంగ సభలో ఆయన మాట్లాడారు.
ఈ సందర్భంగా ఆయన మాట్లాడుతూ – ‘‘భారత్పై దాడి చేస్తే శత్రువులు ఎలాంటి పరిణామాలు ఎదుర్కోవాల్సి వస్తుందో ‘ఆపరేషన్ సిందూర్’ స్పష్టంగా చూపించింది. ప్రపంచంలో భారత శత్రువులకు ఇక చోటు లేదు. మా దేశ ప్రజలు గర్వంగా ఉండే విధంగా, ఈ ఆపరేషన్ దేశాన్ని ఆత్మవిశ్వాసంతో నింపింది’’ అని వ్యాఖ్యానించారు.
ప్రధాని మోదీ తన ప్రసంగంలో దేశ రక్షణ వ్యవస్థ, ఆర్మీ సామర్థ్యం, ఇంటెలిజెన్స్ శక్తి తదితర అంశాలపై విశ్వాసం వ్యక్తం చేశారు. భారతదేశం పరాయివారికి భయపడే దశను దాటి, ఆత్మవిశ్వాసంతో ముందుకెళ్తుందన్నారు.
‘‘భారత ప్రాణాలకు ముప్పు కలిగించిన వారిపై చర్య తీసుకోవడంలో మనం వెనక్కి తగ్గం. సరిహద్దుల్లోను, అంతర్జాతీయ వేదికలపైను భారత్ తన స్థానం మరింత బలంగా నిలబెట్టుకుంటోంది,’’ అని మోదీ తెలిపారు.
అలాగే, దేశ రక్షణలో జరిగిన ఈ చర్యలు ప్రజలందరికీ గర్వకారణంగా నిలుస్తాయని, యువతలో జాతీయభావన పెంపొందించేందుకు ఇవి ప్రేరణగా నిలుస్తాయని ప్రధాని అభిప్రాయపడ్డారు.
