రాజధాని అమరావతిలో ముఖ్యమంత్రి చేతుల మీదుగా నూతన CRDA (క్యాపిటల్ రీజియన్ డెవలప్మెంట్ అథారిటీ) భవనం ఈ రోజు ప్రారంభం కానుంది. ఉదయం 9:54 గంటలకు జరుగనున్న ఈ కార్యక్రమం రాష్ట్ర రాజధాని అభివృద్ధిలో ఒక ముఖ్యమైన మైలురాయి అని చెప్పవచ్చు. ఈ భవనం CRDA కార్యకలాపాలకు కేంద్ర స్థానం గా సేవలందించనుంది.
ఈ భవనం 3.07 లక్షల చదరపు అడుగుల విస్తీర్ణంలో నిర్మించబడింది మరియు ₹257 కోట్లు ఖర్చుతో జీప్లస్ 7 నిర్మాణ విధానంలో నిర్మించారు. మొత్తం 4.32 ఎకరాల విస్తీర్ణంలో ఈ భవనం నిర్మించబడింది. భవనం ముందు భాగంలో అమరావతి ప్రతీక “A” ఆకారం రూపకల్పనలో ప్రతిబింబించబడింది, అలాగే 100 అడుగుల ఎత్తైన జాతీయ జెండా ఐరన్ స్తంభం కూడా ఏర్పాటు చేయబడింది.
గత 8 నెలలుగా భవన నిర్మాణం నిరంతరంగా కొనసాగింది. ప్రతి రోజు 500కి పైగా కార్మికులు, ఇంజనీర్లు, సాంకేతిక నిపుణులు భవనం పూర్తి చేయడానికి కృషి చేశారు. ఈ inauguration తో CRDA కార్యకలాపాలు అమరావతి నుండే జరుగుతాయి, ఇది రాజధాని పరిపాలనను మరింత సుళువుగా చేస్తుంది.
భవనం అనేక ఫంక్షనల్ జోన్లతో రూపొందించబడింది. గ్రౌండ్ ఫ్లోర్లో ఇంటిగ్రేటెడ్ కమాండ్ అండ్ కంట్రోల్ రూమ్ ఉంది, ఫస్ట్ ఫ్లోర్లో ఆధునిక కాన్ఫరెన్స్ హాల్స్ ఉన్నాయి. రెండో, మూడో, ఐదో అంతస్తుల్లో CRDA కార్యాలయాలు ఉన్నాయి. నాల్గవ అంతస్తులో మునిసిపల్ శాఖ డైరెక్టరేట్, ఆరవ అంతస్తులో ADCL కార్యాలయం ఉన్నాయి.
ఏడో అంతస్తులో మునిసిపల్ శాఖ మంత్రి కార్యాలయం మరియు ముఖ్య కార్యదర్శి కార్యాలయం ఏర్పాటు చేశారు. భవనం 300 వాహనాల పార్కింగ్ సౌకర్యంతో నిర్మించారు. ఈ ఆధునిక భవనం అమరావతిని రాష్ట్రానికి ఒక నమూనా పరిపాలనా కేంద్రంగా మార్చే ప్రయత్నంలో కీలక భూమిక వహిస్తుంది.
