- యూట్యూబ్, యుప్పీ టీవీల్లో ప్రత్యక్ష ప్రసారం.. ప్రపంచవ్యాప్త తెలుగు వారికి తానా ఆహ్వానం..
- మాతృభాషపై 'తానా' అధ్యక్షుడు నరేన్ కొడాలి పిలుపు..
Mother Language Day Thana Telugu community: మాతృ భాషా దినోత్సవం (ఫిబ్రవరి 21) సందర్భంగా ఉత్తర అమెరికా తెలుగు సంఘం (తానా) ప్రపంచ సాహిత్య వేదిక ఆధ్వర్యంలో ఈ నెల 22న "మన తెలుగు భాషను ప్రేమిద్దాం, పరిరక్షిద్దాం, పరివ్యాప్తి చేద్దాం" అనే నినాదంతో అంతర్జాతీయ అంతర్జాల దృశ్య సమావేశాన్ని నిర్వహిస్తోంది.
ముఖ్య అతిథిగా 'పద్మభూషణ్' డాక్టర్ నోరి దత్తాత్రేయుడు (ప్రఖ్యాత క్యాన్సర్ వైద్య నిపుణుడు, న్యూయార్క్). విశిష్ట అతిథిగా డాక్టర్ జి.సతీష్ రెడ్డి (భారతదేశ డీఆర్డీవో పూర్వ చైర్మన్). గౌరవ అతిథిగా ఆర్యన్ ఉదయ్ అరేటి (డిప్యూటీ మేయర్, రాయల్ బరో ఆఫ్ కెన్సింగ్టన్ అండ్ చెల్సియా, లండన్). మరియు ప్రముఖ వక్తలు (విద్యావేత్తలు) ఆచార్య డాక్టర్ వెలుదండ నిత్యానందరావు (ఉవ కులపతి, పొట్టి శ్రీరాములు తెలుగు విశ్వవిద్యాలయం, హైదరాబాద్), ఆచార్య డాక్టర్ డి. మునిరత్నంనాయుడు (ఉప కులపతి, పొట్టి శ్రీరాములు తెలుగు విశ్వవిద్యాలయం, రాజమహేంద్రవరం).
ఆచార్య డాక్టర్ అఫ్సర్ (తెలుగు అధ్యాపకుడు, యూనివర్సిటీ ఆఫ్ పెన్సిల్వేనియా, అమెరికా), ఆచార్య ఉమా అత్తోట (తెలుగు అధ్యాపకురాలు, యూనివర్సిటీ ఆఫ్ వాషింగ్టన్, సియాటెల్, అమెరికా),
ఆచార్య డాక్టర్ భారతి శంకరరాజు (తెలుగు అధ్యాపకురాలు, యూనివర్సిటీ ఆఫ్ కాలిఫోర్నియా, అమెరికా), నిర్వాహక బృందం: డాక్టర్ నరేన్ కొడాలి, అధ్యక్షుడు, తానా. చిగురుముళ్ల శ్రీనివాస్: సమన్వయకర్త, తానా ప్రపంచ సాహిత్య వేదిక. డాక్టర్ ప్రసాద్ తోటకూర: నిర్వాహకుడు, తానా ప్రపంచ సాహిత్య వేదిక.
ఈ కార్యక్రమాన్ని యూట్యూబ్, యుప్పీ టీవీ (YuppTV), (E Tore) చానెళ్ల ద్వారా ప్రత్యక్ష ప్రసారం చేయనున్నారు.
