- రమేష్ బాబు లక్ష్మణన్ గారితో మాటా సభ్యుల భేటీ: పాస్పోర్ట్, వీసా సేవలపై అవగాహన సదస్సు..
- అట్లాంటా బృందం విశేష కృషి: ఘనంగా ముగిసిన ‘మాటా’ వర్చువల్ మీట్ అండ్ గ్రీట్..
USA Mata: మన అమెరికా తెలుగు సంఘం (MATA – మాటా) ఆధ్వర్యంలో భారత కాన్సులేట్ జనరల్ శ్రీ రమేష్ బాబు లక్ష్మణన్ గారితో నిర్వహించిన ‘మీట్ అండ్ గ్రీట్’ కార్యక్రమం శనివారం (మార్చి 21) అత్యంత ఘనంగా ముగిసింది. ప్రవాస తెలుగు వారికి అవసరమైన పాస్పోర్ట్, వీసా మరియు ఇతర దౌత్యపరమైన సేవలకు సంబంధించి అవగాహన కల్పించే లక్ష్యంతో వర్చువల్ సెమినార్ రూపంలో ఈ సమావేశాన్ని ఏర్పాటు చేశారు. ఈ కార్యక్రమంలో పెద్ద సంఖ్యలో తెలుగు వారు పాల్గొని, తమ వ్యక్తిగత మరియు సమాజ పరమైన సందేహాలను కాన్సులేట్ జనరల్ దృష్టికి తీసుకువెళ్లి తగిన పరిష్కారాలను పొందారు. అట్లాంటా బృంద సభ్యులు నగేష్ చిలకపాటి, శ్రీనివాస్ కుక్కadapu, శిరీష బైరెడ్డి, శిరీష సజ్జ, రాజేష్, కాశ్యప్ పర్చా మరియు విజయ్ ఆనంద్ మారంరాజు ఈ కార్యక్రమం దిగ్విజయంగా సాగేలా ప్రత్యేక కృషి చేశారు.
ఈ కార్యక్రమ విజయవంతం వెనుక మాటా (MATA) కార్యవర్గ కమిటీ సభ్యుల సమష్టి కృషి దాగి ఉంది. ప్రెసిడెంట్ రమణ కె కిరణ్ దుద్దాగి నేతృత్వంలో ఎగ్జిక్యూటివ్ వైస్ ప్రెసిడెంట్ ప్రవీణ్ గూడూరు, జనరల్ సెక్రటరీ విజయ్ భాస్కర్ కలాల్, ట్రెజరర్ శ్రీధర్ గూడల మరియు ఎగ్జిక్యూటివ్ డైరెక్టర్ నగేష్ చిలకపాటిలు ఈ వేదికను సమర్థవంతంగా నిర్వహించారు. వీరితో పాటు నేషనల్ కోఆర్డినేటర్ టోనీ జన్ను, ప్రోగ్రామ్ డైరెక్టర్ స్వాతి అట్లూరి, కమ్యూనిటీ సర్వీసెస్ డైరెక్టర్ కల్యాణి బెల్లంకొండ మరియు ఇంటర్నేషనల్ వైస్ ప్రెసిడెంట్ మహేందర్ నరాల వంటి ప్రముఖులు ప్రవాస తెలుగు సమాజానికి సేవలందించడంలో ముందున్నారు. అడిషనల్ సెక్రటరీ శ్రీధర్ పెంత్యాల, స్పిరిచువల్ డైరెక్టర్ శిరీష గుండపునేని, పబ్లిసిటీ డైరెక్టర్ ప్రశాంత్ శ్రీపెరంబుధూరు, స్పోర్ట్స్ డైరెక్టర్ సురేష్ ఖజానా మరియు ఇండియా కోఆర్డినేటర్ డాక్టర్ విజయ్ భాస్కర్ బొల్గం కూడా ఈ సేవా కార్యక్రమాల్లో చురుగ్గా పాల్గొన్నారు.
భారత కాన్సులేట్ అధికారులతో ఇటువంటి ముఖాముఖి కార్యక్రమాలు నిర్వహించడం వల్ల ప్రవాసులకు ప్రభుత్వ సేవలపై మరింత నమ్మకం మరియు స్పష్టత ఏర్పడుతుందని మాటా ప్రతినిధులు అభిప్రాయపడ్డారు. ఇదే ఉత్సాహంతో రాబోయే రోజుల్లో మరిన్ని సేవా కార్యక్రమాలు చేపడతామని వారు ప్రకటించారు. ముఖ్యంగా 2026 జూన్ 19 నుండి జూన్ 20వ తేదీ వరకు ఫిలడెల్ఫియాలో జరగనున్న 'మాటా 2వ మహాసభలను' చారిత్రాత్మక విజయవంతం చేయాలని కమిటీ సభ్యులు ప్రపంచవ్యాప్తంగా ఉన్న తెలుగు వారిని కోరారు. విదేశాల్లో ఉంటున్న తెలుగు వారందరూ ఒకే వేదికపైకి వచ్చి మన సంస్కృతీ సంప్రదాయాలను చాటిచెప్పేలా ఈ మహాసభలను భారీ ఎత్తున నిర్వహిస్తామని వారు ఈ సందర్భంగా పునరుద్ఘాటించారు.
