Header Banner
తస్మా జాగ్రత్త.. మీకు 40 ఏళ్లు వచ్చాయా? తప్పనిసరిగా ఈ వైద్య పరీక్షలు చేయించుకోండి.. లేదంటే.!
Tue May 13, 2025 15:46 Health
ఈ రోజుల్లో ఆకస్మిక గుండె జబ్బులు, బ్రెయిన్ స్ట్రోక్‌ వంటి పలు ఆరోగ్య సమస్యలతో చిన్న వయసులోనే చాలా మంది చనిపోతున్నారు. దీనికి అనేక కారణాలు ఉండవచ్చు. జీవనశైలి సక్రమంగా లేకుంటే వయస్సు తోపాటు, శరీరంలోని అవయవాల పనితీరులో కూడా మార్పులు వస్తాయి. అయితే, చాలా మంది నాకేం అవుతుందిలే అనే ధీమాతో నిర్లక్ష్యంగా వ్యవహరిస్తారు. వ్యాధి తీవ్రత లక్షణాలు కనిపించే వరకు ఆరోగ్యంపై శ్రద్ధ చూపరు. కానీ, ఒక వ్యక్తి ఫిట్‌గా ఉండటానికి క్రమం తప్పకుండా కొన్ని వైద్య పరీక్షలు చేయించుకోవాలి. ఈ ప్రాథమిక పరీక్షలను 40 ఏళ్లు ఉన్న వారు చేయించుకోవడం మంచిదని, తద్వారా ఏమైనా వ్యాధులు ఉంటే త్వరగా చికిత్స తీసుకోని నయం చేసుకునే అవకాశం ఉంటుందని నిపుణులు చెబుతున్నారు. 40 ఏళ్ల వయస్సు ఉన్నవారు తప్పనిసరిగా చేయించుకోవాల్సిన వైద్య పరీక్షల జాబితాను ఇప్పుడు తెలుసుకుందాం..
థైరాయిడ్ పనితీరు పరీక్ష( Thyroid): బరువు పెరగడం, జుట్టు రాలడం, పీరియడ్స్ ప్రతి నెల రాకపోవడం వంటి సమస్యలు ఉన్నట్లైతే మీరు తప్పనిసరిగా థైరాయిడ్ పరీక్ష చేయించుకోవాలి..
ఇది కూడా చదవండి: ఈ లక్షణాలు కనిపిస్తున్నాయా? అయితే మీరు నాలుగు రాళ్ళు వెనకేసినట్టే!
రక్తపోటు (CBP): రక్తపోటును ఎప్పటికప్పుడు తెలుసుకోవటం చాలా అవసరం. కుటుంబంలో ఎవరికైనా రక్తపోటు ఉంటే వారసులకు కూడా రక్తపోటు వచ్చే అవకాశం ఉంటుంది. కాబట్టి క్రమం తప్పకుండా రక్తపోటును చెక్ చేసుకుంటుండాలి. సాధారణంగా BP 120/80 mm Hg కంటే తక్కువగా ఉండాలి.
కాలేయ పనితీరు పరీక్ష (LFT): కాలేయ పనితీరు పరీక్ష అనేది కాలేయం ఎలా పనిచేస్తుందో తెలుసుకోవడానికి చేసే ఒక రక్త పరీక్ష. ఇది కాలేయం ద్వారా ఉత్పత్తి చేయబడే ప్రోటీన్లు, ఎంజైమ్లు, ఇతర పదార్థాల స్థాయిలను కొలుస్తుంది. ఈ పరీక్ష ద్వారా కాలేయ వ్యాధి లేదా ఇతర ఆరోగ్య సమస్యలను గుర్తించవచ్చు.
ఇది కూడా చదవండి: అమెరికాకు భారత్ ఝలక్.. అగ్రరాజ్యం వస్తువులపై అధిక టారిఫ్! డబ్ల్యూటీఓకు అధికారికంగా..
USG, Chest xray: అల్ట్రాసౌండ్, ఛాతీ ఎక్స్-రే రెండూ ఛాతీలోని నిర్మాణాలను పరిశీలించడానికి ఉపయోగించే వైద్య పరీక్షలు.
మూత్రపిండ పనితీరు పరీక్ష( RFT): RFT అనేది మూత్రపిండాలు ఎంత బాగా పనిచేస్తున్నాయో తెలుసుకోవడానికి వైద్యులు చేసే పరీక్ష. ఇది రక్తం, మూత్ర పరీక్షల ద్వారా మూత్రపిండాల పనితీరును అంచనా వేస్తుంది. ఈ పరీక్ష ద్వారా మూత్రపిండాల ఆరోగ్యాన్ని తెలుసుకోవచ్చు.
పూర్తి మూత్ర పరీక్ష (CUE): మూత్రంలో రక్తం, ప్రోటీన్, గ్లూకోజ్, బ్యాక్టీరియా, ఇతర వ్యాధి సమస్యలను నిర్ధారించడానికి CUE టెస్ట్ చేస్తారు.
2D ఎకో, ECG, TMT: గుండె ఆరోగ్యాన్ని అంచనా వేయడానికి 2D ఎకో, ECG, TMT పరీక్షలు చేస్తారు. ఈ టెస్ట్‌లు చేయడం ద్వారా ఏమైన గుండె సమస్యలు ఉంటే బయటపడతాయి.
PSA లేదా ప్రోస్టేట్-నిర్దిష్ట యాంటిజెన్: ప్రోస్టేట్ క్యాన్సర్‌ను పరీక్షించడానికి, దాని పురోగతిని పర్యవేక్షించడానికి మగవారికి ఈ రక్త పరీక్ష చేస్తారు.
ఇది కూడా చదవండి: ముందుగానే నైరుతి రుతుపవనాలు.. రెండు రోజులు పాటు భారీ నుంచి అతి భారీ వర్షాలు!
మామోగ్రామ్: క్యాన్సర్‌తో సహా రొమ్ము వ్యాధులను గుర్తించడానికి రొమ్ము ఎక్స్-రే పరీక్ష చేస్తారు. మహిళలకు, సాధారణంగా 40 సంవత్సరాల వయస్సు ఉన్నవారికి మామోగ్రామ్ పరీక్ష సిఫార్సు చేస్తారు.
CA 19-9: ప్యాంక్రియాటిక్ క్యాన్సర్‌ను పర్యవేక్షించడానికి, చికిత్స ప్రభావాన్ని అంచనా వేయడానికి ఉపయోగించే కణితి మార్కర్ రక్త పరీక్ష.
CA-125 రక్త పరీక్ష: మీ రక్తంలో CA-125 అనే ప్రోటీన్ స్థాయిని కొలుస్తుంది. ఈ పరీక్ష అండాశయ క్యాన్సర్ ఉనికిని సూచిస్తుంది.
CA 15-3: రొమ్ము క్యాన్సర్ కణాల ద్వారా ఉత్పత్తి అయ్యే క్యాన్సర్ యాంటిజెన్ 15-3 స్థాయిలను కొలిచే రక్త పరీక్ష.
పాప్ స్మియర్: గర్భాశయ క్యాన్సర్ కోసం చేసే స్క్రీనింగ్ పరీక్ష. ఇందులో సూక్ష్మదర్శిని పరీక్ష కోసం గర్భాశయం నుండి కణాలను సేకరించడం జరుగుతుంది . ఇది అసాధారణ కణాలను గుర్తించడంలో సహాయపడుతుంది. ఇవి క్యాన్సర్‌కు ముందు లేదా క్యాన్సర్‌గా ఉండవచ్చు. తద్వారా గర్భాశయ క్యాన్సర్‌ను ముందస్తుగా గుర్తించి చికిత్స చేయడానికి వీలు కల్పిస్తుంది.
ఈ వైద్య పరీక్షలు చేయించుకోవడం వల్ల మీకు అవగాహన వస్తుంది అని నిపుణులు చెబుతున్నారు.
ఇది కూడా చదవండి: 22 కార్పొరేషన్లకు నామినేటెడ్ పోస్టులు ప్రకటించిన ప్రభుత్వం! ఏపీ ఎన్నార్టీ కి ఆయనే! స్కిల్ డెవలప్మెంట్ ఎవరికంటే!
అన్ని రకాల వార్తల కోసం ఇక్కడ క్లిక్ చేయండి
మీకు ఈ న్యూస్ కూడా నచ్చవచ్చు:
ఎలుకలన్నీ ఘోషించినా వేస్ట్.. పవన్ కల్యాణ్ ఓ ఆసక్తికర ట్వీట్ వైరల్!
జగన్ కు దిమ్మతిరిగే షాక్.. ఏపీ మద్యం కుంభకోణం కేసులో కీలక నిందితుడి అరెస్టు!
ఏపీ రాజకీయాల్లో విషాదం! గుండె పోటుతో కుప్పకూలిన మాజీ ఎంపీ!
మరో కీలక నిర్ణయం తీసుకున్న ఏపీ సర్కార్.. సీట్లన్నీ ఏపీ వాళ్లకే.. ఉత్తర్వులు జారీ!
విడదల రజిని ఓవరాక్షన్.. ఎట్టకేలకు అరెస్టు! మాజీ మంత్రితోపాటు కారులో..
ప్రమాదంలో శ్రీశైలం ప్రాజెక్టు.. స్పిల్‌ వే వద్ద భారీ గొయ్యి - జారిపోతున్న కొండ గట్లు!
వీరజవాన్ మురళీ నాయక్ అంత్యక్రియలకు ఏపీ మంత్రులు! మార్గమంతా ప్రజలు పెద్ద సంఖ్యలో..
ఆంధ్ర ప్రవాసి గ్రూప్ లో జాయిన్ అవ్వండి:
#AndhraPravasi #HealthCare #TIps #HotWaterBathing
Copyright © 2016 - 20 | Website Design & Developed By : www.andhrapravasi.com
andhrapravasi try to report accurately, we can’t verify the absolute facts of everything posted. Postings may contain fact, speculation or rumor. We find images from the Web that are believed to belong in the public domain. If any stories or images that appear on the site are in violation of copyright law, please email [andhrapravasi@andhrapravasi.com] and we will remove the offending information as soon as possible.