ఎండకు బయటకు వెళ్లిన ప్రతిసారి మన చర్మం అనేక రకాల హానికర ప్రభావాలను ఎదుర్కొంటుంది. అల్ట్రావయలెట్ కిరణాల వల్ల ట్యానింగ్, మచ్చలు, ముడతలు, ముందస్తు వృద్ధాప్య లక్షణాలు మాత్రమే కాదు, దీర్ఘకాలంలో చర్మ క్యాన్సర్ ప్రమాదం కూడా పెరుగుతుంది. ఈ సమస్యల నుంచి చర్మాన్ని రక్షించే ముఖ్యమైన ఆయుధమే సన్స్క్రీన్. రోజూ సన్స్క్రీన్ ఉపయోగించడం వల్ల చర్మంపై నేరుగా పడే హానికర కిరణాలు అడ్డుపడతాయి. చర్మం సహజ కాంతిని నిలుపుకుంటుంది, రంగు మారడం తగ్గుతుంది, మాయిశ్చర్ లాక్ అవుతుంది. అందుకే డెర్మటాలజిస్టులు ఇంట్లో ఉన్నా, బయటకు వెళ్లకపోయినా సన్స్క్రీన్ తప్పనిసరిగా వాడాలని సూచిస్తున్నారు.
అయితే ప్రతి ఒక్కరి చర్మ తత్వం ఒకేలా ఉండదు. సాధారణంగా మన చర్మాన్ని ఐదు రకాలుగా వర్గీకరించవచ్చు. మొదటిది జిడ్డు చర్మం. ఈ తరహా చర్మం ఉన్నవారు సన్స్క్రీన్ వాడితే ముఖం మరింత ఆయిల్గా కనిపిస్తుందేమోనని భయపడతారు. కానీ మ్యాట్ ఫినిష్ ఇచ్చే సన్స్క్రీన్లు ఈ సమస్యను పూర్తిగా తగ్గిస్తాయి. Re’equil Ultra Matte Dry Touch లాంటి సన్స్క్రీన్ జిడ్డును అదుపులో ఉంచుతూ ముఖాన్ని శుభ్రంగా, తాజాగా కనిపించేలా చేస్తుంది.
రెండవది పొడి చర్మం: ఈ చర్మం ఉన్నవారికి తేమ ప్రధాన సమస్య. కాబట్టి మాయిశ్చరైజింగ్ గుణాలు ఉన్న సన్స్క్రీన్లు అవసరం. WishCare Invisible Gel Sunscreen లేదా Beauty of Joseon వంటి ఉత్పత్తులు చర్మానికి తేమను అందిస్తూ మెరుపు తగ్గకుండా కాపాడతాయి.
మూడవది కాంబినేషన్ స్కిన్. అంటే ముఖంలో కొన్ని భాగాలు జిడ్డుగా, మరికొన్ని భాగాలు పొడిగా ఉండటం. ఈ తరహా చర్మానికి తేలికపాటి, జెల్ ఆధారిత సన్స్క్రీన్లు సరిపోతాయి. The Derma Co 1% Hyaluronic Sunscreen Aqua Gel చర్మాన్ని బరువుగా చేయకుండా సమతుల్యతను కాపాడుతుంది.
నాల్గవది సెన్సిటివ్ స్కిన్. ఈ చర్మం ఉన్నవారికి చిన్న రసాయనం కూడా ఇర్రిటేషన్ కలిగించవచ్చు. అందుకే కెమికల్స్ తక్కువగా ఉన్న లేదా మినరల్ బేస్డ్ సన్స్క్రీన్లు మంచివి. La Roche-Posay Anthelios లేదా Fixderma Shadow SPF 50 లాంటి సన్స్క్రీన్లు సురక్షితమైన ఎంపికలుగా భావించవచ్చు.
ఇక చివరిది నార్మల్ స్కిన్. ఈ చర్మం ఉన్నవారు ఎక్కువగా అన్ని బ్రాండ్లను వాడగలుగుతారు. అయినా నమ్మదగిన ఫలితాల కోసం Neutrogena Ultra Sheer Dry-Touch లాంటి సన్స్క్రీన్ను ఎంచుకుంటే చర్మ రక్షణలో ఎలాంటి లోటు ఉండదు. సరైన సన్స్క్రీన్ను ఎంపిక చేసుకుంటే అందమైన చర్మం మాత్రమే కాదు, ఆరోగ్యమైన చర్మం కూడా మన సొంతమవుతుంది.ఈ సమాచారం కేవలం మీ అవగాహనకు మాత్రమే ముందుగా మీ డెర్మటాలజిస్టులు కలిసి ఆ తర్వాత మీ చర్మానికి అనుగుణంగా సన్స్క్రీన్ను తీసుకోవడం ఉత్తమం.
