ఆంధ్రప్రదేశ్లోని నిరుద్యోగులకు ఒక మంచి వార్త రావబోతోంది. రాష్ట్రంలో ఖాళీగా ఉన్న పోలీస్ ఉద్యోగాలను త్వరలోనే భర్తీ చేయడానికి రాష్ట్ర పోలీస్ శాఖ కసరత్తు చేస్తున్నట్లు సమాచారం. ఇప్పటి వరకు సివిల్, ఆర్మ్డ్ రిజర్వు, స్పెషల్ ఆర్మ్డ్ రిజర్వు, ఏపీఎస్పీ, సీపీఎల్, పీటీఓ, కమ్యూనికేషన్స్ వంటి విభాగాల్లో ఉన్న ఖాళీలు గుర్తించి, వాటి భర్తీ కోసం చర్యలు చేపట్టారు. ఈ వివరాలు డీజీపీ అధికారులు రాష్ట్ర ప్రభుత్వానికి పంపించారు. ప్రభుత్వం పరిశీలించి అనుమతి ఇచ్చిన వెంటనే కొత్త ఉద్యోగ నోటిఫికేషన్ విడుదల చేయనుంది.
డీజీపీ కార్యాలయం రాష్ట్ర ప్రభుత్వానికి చేసిన లేఖలో వివరంగా ఖాళీలను తెలియజేశారు. సివిల్ పోలీస్ ఫోర్స్లో 315 ఎస్సైలు, 3580 సివిల్ కానిస్టేబుళ్లు, 96 ఆర్ఎస్ఐ పోస్టులు, 2520 ఏపీఎస్పీ కానిస్టేబుళ్లను భర్తీ చేయడానికి అనుమతించాలని డీజీపీ కోరారు. ఈ అనుమతి వస్తే రాష్ట్ర వ్యాప్తంగా రిక్రూట్మెంట్ ప్రక్రియ ప్రారంభమవుతుంది.
డీజీపీ చెప్పినట్లుగా, ఆగస్టు 31వ తేదీ వరకు రాష్ట్రంలోని విభిన్న విభాగాల్లో ఉన్న ఖాళీలను మాత్రమే ప్రభుత్వం పరిశీలించడానికి పంపారు. రాష్ట్రంలో నేరాలు పెరుగుతున్నాయి. అందుకే రాష్ట్రంలో శాంతి భద్రతను నిలబెట్టేందుకు, ప్రజల సురక్ష కోసం పోలీస్ ఫోర్స్ అవసరం ఉంది.
రాష్ట్రంలోని యువతకు ఇది మంచి అవకాశమని, నిరుద్యోగులకు కొత్త ఉద్యోగాల అవకాశం తీసుకురాబోతుందని అధికారులు పేర్కొన్నారు. భర్తీ కావలసిన పోస్టులు కాబట్టి, దరఖాస్తు ప్రక్రియ కూడా త్వరలో ప్రారంభం అవుతుంది.
