ఆంధ్ర, తెలంగాణ, కర్ణాటక, తమిళనాడు ఏ భాష అయినా పచ్చళ్లంటే మాత్రం అందరూ ఇష్టపడతారనే చెప్పుకోవాలి. భాషతో ఏముంది సోదరా? కాస్త వేడి అన్నంలో పచ్చళ్ళు వేసుకొని తింటే… నాలుకకు ఆ పచ్చళ్ల రుచి తగిలితే చాలు… ఆహా! అమృతం కూడా ఇంత రుచిగా ఉండదు. మళ్లీ మళ్లీ “అబ్బా!” అనిపించే రుచి అది. బహుశా ఈ భావం అందరికీ కలిగే ఉంటుంది సుమీ!!
నాన్వెజ్ ప్రియులకు అనేకరకాల పచ్చళ్ళు ఉన్నాయి. వెజ్ ప్రియులు కూడా అంతే ఆనందిస్తారు. అయితే… కాస్త వేడి అన్నంలో రొయ్యల పచ్చడి వేసుకొని తింటే… వారేవా! అనిపించకపోతే బహుశా వాళ్లకు టేస్ట్ తెలియదని చెప్పుకోవాలి.
అసలు విషయానికి వస్తే… రొయ్యల పచ్చడి ఎలా చేసుకోవాలి?అద్భుతంగా, టేస్టీగా ఉండే రియల్ పచ్చడి ఈ క్రింది విధంగా చేసుకొని ట్రై చేయండి.
తయారుచేసే పదార్థాలు:
రొయ్యలు
గరం మసాలా పొడి (స్వయంగా మసాలా తయారు చేసుకోండి — మసాలా కోసం లవంగాలు, యాలకులు, దాల్చిన చెక్క, ధనియాలు వేపి పొడిగా చేసుకోవాలి)
అల్లం–వెల్లుల్లి పేస్ట్
ఉప్పు
నిమ్మరసం
పసుపు
కారం
తాలింపు కోసం పోపు దినుసులు
నూనె
తయారీ విధానం:
1. ముందుగా రొయ్యలను శుభ్రం చేసుకోవాలి.
2. ఒక గిన్నెలో రొయ్యలు, పసుపు, ఉప్పు వేసి కొంచెం ఉడికించాలి.
3. నీటిని వదిలి, అల్లం–వెల్లుల్లి పేస్ట్ వేసి మరోసారి ఉడికించాలి.
4. ఒక పాన్లో నూనె వేడి చేసి, ఉడికించిన రొయ్యలను వేసి బాగా వేయించాలి.
5. రొయ్యలపై కారం, గరం మసాలా పొడి, కొంచెం పసుపు చల్లి కలపాలి.
6. నిమ్మరసం ఆ రొయ్యలపై వేసి మిక్స్ చేయాలి.
7. తాలింపు కోసం — గిన్నెలో నూనె వేసి, కరివేపాకు, వెల్లుల్లి, ఎండు మిర్చి, జీలకర్ర వేసి వేడిగా చేయాలి.
8. మిశ్రమాన్ని నీరు పడకుండా జాడీ లేదా గాజు బాటిల్లో ఉంచాలి.
గుర్తుంచుకోండి:
జాడీలో పెట్టిన పచ్చడిని 2 రోజులు తర్వాత తింటే రుచి అమోఘంగా ఉంటుంది. ఈ విధంగా చేసిన రొయ్యల పచ్చడి 2–3 నెలల పాటు కూడా ఆస్వాదించవచ్చు.
రొయ్యల పికిల్ తక్కువ సాంప్రదాయ పదార్థాలతో ఇంట్లోనే సులభంగా చేసుకోవచ్చని ఈ రిసిపీ చూపిస్తుంది.
రుచికరమైన రొయ్యల నిల్వ పచ్చడి విందుల్లో గానీ, రోజువారీ భోజనంలో గానీ చాలు ప్రత్యేక రుచి ఇస్తుంది.
