ఐఫోన్ అభిమానులకు ఇది నిజంగా శుభవార్త. మీరు కొత్త ఐఫోన్ కొనాలనే ఆలోచనలో ఉంటే, ఇదే సరైన సమయం. ఆపిల్ తాజాగా లాంఛ్ చేసిన ప్రీమియం స్మార్ట్ఫోన్ ఐఫోన్ 16 ప్రో మాక్స్ ఇప్పుడు భారీ డిస్కౌంట్తో అందుబాటులోకి వచ్చింది. ప్రముఖ ఈ-కామర్స్ ప్లాట్ఫామ్ ఫ్లిప్కార్ట్ ఈ ఫోన్పై ఏకంగా రూ.24,000 వరకు ధర తగ్గింపు అందిస్తోంది. 2024లో విడుదలైన ఈ ఫ్లాగ్షిప్ మోడల్లో అత్యాధునిక ఫీచర్లు, పవర్ఫుల్ పనితీరు ఉండటంతో పాటు, ఇప్పుడు తక్కువ ధరలో లభించడం టెక్ ప్రేమికులను ఆకర్షిస్తోంది.
భారత మార్కెట్లో ఐఫోన్ 16 ప్రో మాక్స్ 256GB స్టోరేజ్ వేరియంట్ను ఆపిల్ రూ.1,34,900 ధరకు లాంఛ్ చేసింది. అయితే ఫ్లిప్కార్ట్లో ప్రస్తుతం ఈ ఫోన్ను రూ.1,14,999కే కొనుగోలు చేయవచ్చు. అంతేకాదు, ఫ్లిప్కార్ట్లో యాక్సిస్ బ్యాంక్ లేదా ఎస్బీఐ క్రెడిట్ కార్డులతో చెల్లిస్తే అదనంగా రూ.4,000 ఇన్స్టంట్ డిస్కౌంట్ కూడా లభిస్తుంది. ఇక ఎక్స్చేంజ్ ఆఫర్లను ఉపయోగించుకుంటే మీ పాత ఫోన్ విలువ ఆధారంగా మొత్తం మీద రూ.68,000 వరకు ఆదా చేసుకునే అవకాశం ఉంది. ఈ ధరలో ఐఫోన్ 16 ప్రో మాక్స్ దొరకడం ప్రస్తుతం డీల్ ఆఫ్ ది మంత్గా మారింది.
డిజైన్, పనితీరు విషయానికి వస్తే ఐఫోన్ 16 ప్రో మాక్స్ మరో స్థాయిలో ఉంటుంది. ఈ ఫోన్ టైటానియం బాడీ డిజైన్తో రావడం వల్ల తేలికగా ఉండటంతో పాటు అత్యంత దృఢంగా ఉంటుంది. ఇందులో ఆపిల్ సొంతంగా అభివృద్ధి చేసిన A18 ప్రో చిప్సెట్ను ఉపయోగించారు. ఇది 3nm టెక్నాలజీపై తయారైన ప్రాసెసర్ కావడంతో గేమింగ్, వీడియో ఎడిటింగ్, మల్టీటాస్కింగ్ వంటి హెవీ టాస్క్లను ఎలాంటి ల్యాగ్ లేకుండా నిర్వహిస్తుంది. అంతేకాదు, ఈ ఫోన్కు 5 సంవత్సరాల వరకు iOS అప్డేట్స్ లభించనున్నాయి, అంటే దీర్ఘకాలం పాటు లేటెస్ట్ ఫీచర్లు, సెక్యూరిటీ అప్డేట్స్ అందుబాటులో ఉంటాయి.
డిస్ప్లే, కెమెరా విషయాల్లోనూ ఐఫోన్ 16 ప్రో మాక్స్ టాప్ క్లాస్ అనిపిస్తుంది. ఇందులో 6.9 అంగుళాల LTPO సూపర్ రెటినా XDR OLED డిస్ప్లే ఉంది. ఇది 120Hz రిఫ్రెష్ రేట్, 2000 నిట్స్ పీక్ బ్రైట్నెస్కు సపోర్ట్ చేస్తుంది. కెమెరా సెటప్లో 48MP ప్రైమరీ కెమెరా (OISతో), 48MP అల్ట్రా వైడ్ లెన్స్, 12MP పెరిస్కోప్ టెలిఫోటో లెన్స్ ఉన్నాయి. ముందు భాగంలో 12MP సెల్ఫీ కెమెరా ఉంది. వీడియో కాల్స్, ఫోటోగ్రఫీ, వీడియో రికార్డింగ్లో ఇది అద్భుతమైన అవుట్పుట్ ఇస్తుంది. బ్యాటరీ విషయానికి వస్తే, ఈ ఫోన్లో 4685mAh బ్యాటరీ ఉండి, 25W MagSafe వైర్లెస్ ఛార్జింగ్కు సపోర్ట్ ఇస్తుంది.
