సజ్జల భార్గవ్రెడ్డి పై ఏపీ హైకోర్టు తీవ్ర వ్యాఖ్యలు..
LoCని రీకాల్ చేయాలని అన్నమయ్య జిల్లా ఎస్పీకి హైకోర్టు ఆదేశాలు జారీ..
అమరావతి: సజ్జల భార్గవ్ రెడ్డిపై ఆంధ్రప్రదేశ్ హైకోర్టు తీవ్ర వ్యాఖ్యలు చేసింది. ఆయనతో పాటు ఇతర నిందితుల ప్రవర్తన “ఆనాగరికం, ఆటవికం”గా ఉందని కోర్టు స్పష్టం చేసింది. ఈ వ్యాఖ్యలు రాష్ట్రవ్యాప్తంగా చర్చనీయాంశంగా మారాయి.
తనపై జారీ చేసిన లుక్ అవుట్ సర్క్యులర్ (LoC)ను రద్దు చేయాలని సజ్జల భార్గవ్రెడ్డి దాఖలు చేసిన పిటిషన్పై హైకోర్టులో విచారణ జరిగింది. విచారణ సందర్భంగా కోర్టు కీలక నిర్ణయం తీసుకుంది. భార్గవ్రెడ్డిపై జారీ చేసిన LoCను రీకాల్ చేయాలని అన్నమయ్య జిల్లా ఎస్పీకి ఆదేశాలు జారీ చేసింది.
ఈ కేసులో ప్రధానంగా సోషల్ మీడియా పోస్టులు వివాదాస్పదంగా మారాయి. ముఖ్యమంత్రి సహా మంత్రుల కుటుంబ సభ్యుల ప్రతిష్టకు భంగం కలిగించేలా భార్గవ్రెడ్డి పోస్టులు చేశారని ఆరోపణలు ఉన్నాయి. ఈ నేపథ్యంలో కోర్టు ఈ వ్యవహారాన్ని తీవ్రంగా పరిగణించింది. కోర్టు వ్యాఖ్యలు, ఆదేశాలతో ఈ కేసు మరింత ప్రాధాన్యం సంతరించుకుంది. సోషల్ మీడియా వినియోగంలో బాధ్యత అవసరమని ఈ ఘటన మరోసారి స్పష్టం చేస్తోంది.
