- హుర్ముజ్ నుంచి ఆయిల్ తీసుకెళ్లలేరంటూ ఇరాన్ కామెంట్స్..
- దాడుల వీడియోలను రిలీజ్ చేసిన యుఎస్ సెంట్రల్ కమాండ్..
America Vs Iran: అంతర్జాతీయంగా తీవ్ర ఉత్కంఠ రేపుతున్న పరిణామాల్లో భాగంగా, హర్ముజ్ జలసంధిలో అమెరికా మెరుపు దాడులకు దిగింది. ఈ దాడులకు సంబంధించిన కీలక వీడియోలను యుఎస్ సెంట్రల్ కమాండ్ (US Central Command) అధికారికంగా విడుదల చేసింది. అత్యంత వ్యూహాత్మకమైన హర్ముజ్ జలసంధి ప్రాంతంలో అమెరికా దళాలు విరుచుకుపడి సుమారు 10 నౌకలను పూర్తిగా ధ్వంసం చేశాయి. ఈ పరిణామం ప్రపంచ దేశాలను ఒక్కసారిగా ఉలిక్కిపడేలా చేసింది.
మరోవైపు, ఇరాన్ చేసిన సంచలన వ్యాఖ్యలు ఈ ఉద్రిక్తతలకు ఆజ్యం పోశాయి. హర్ముజ్ జలసంధి గుండా ఏ దేశం కూడా ఆయిల్ నౌకలను తీసుకెళ్లలేరంటూ ఇరాన్ హెచ్చరికలు జారీ చేసింది. అయితే, ఇరాన్ ఈ వ్యాఖ్యలు చేసిన కొద్దిసేపటికే అమెరికా రంగంలోకి దిగి ఈ దాడులు నిర్వహించడం గమనార్హం. ఇరాన్ వ్యాఖ్యలకు గట్టి సమాధానం చెప్పేందుకే అమెరికా ఈ స్థాయిలో దాడులు చేసిందని అంతర్జాతీయ విశ్లేషకులు భావిస్తున్నారు. ఈ దాడులతో ఆయిల్ సరఫరా మార్గాలపై నీలినీడలు కమ్ముకున్నాయి.
