నెలసరి సమయంలో (Period Pain) చాలామంది మహిళలు (Women Health Tips) తీవ్రమైన శారీరక, మానసిక ఇబ్బందులను ఎదుర్కొంటారు. ముఖ్యంగా కడుపునొప్పి, నడుము నొప్పి, శరీరం బరువుగా అనిపించడం, చిరాకు, ఆందోళన, అలసట వంటి సమస్యలు రోజువారీ పనులపై ప్రభావం చూపిస్తాయి. ఈ సమయంలో కొందరు వెంటనే మందుల వైపు మొగ్గు చూపుతుంటారు. అయితే నిపుణుల అభిప్రాయం ప్రకారం, ప్రతి చిన్న నొప్పికి మాత్రలు వాడటం మంచిదికాదని చెబుతున్నారు. సహజమైన పద్ధతులు పాటిస్తే పీరియడ్స్ సమయంలోనూ కాస్త సౌకర్యంగా, ఉల్లాసంగా ఉండొచ్చని సూచిస్తున్నారు.
పీరియడ్స్ సమయంలో కడుపు భాగంలో వచ్చే నొప్పిని తగ్గించడానికి వేడి చాలా ఉపయుక్తంగా పనిచేస్తుంది. పొత్తి కడుపుపై వేడి నీళ్ల బాటిల్ లేదా (Period Pain Relief Tips) హీట్ ప్యాడ్ పెట్టుకుంటే కండరాలు రిలాక్స్ అయి నొప్పి క్రమంగా తగ్గుతుంది. అలాగే గోరువెచ్చటి నీటితో స్నానం చేయడం వల్ల శరీరం హాయిగా అనిపించడమే కాకుండా, మనసు ప్రశాంతంగా మారుతుంది. రాత్రి వేళ ఇలా చేస్తే నిద్ర కూడా బాగా పడుతుంది. ఈ చిన్న చిట్కా చాలామందికి మంచి ఫలితాలు ఇస్తోందని వైద్యులు చెబుతున్నారు.
నడుము నొప్పి, కాళ్ల లాగుడు, శరీరంలో ఇతర భాగాల్లో వచ్చే నొప్పుల నుంచి ఉపశమనం పొందాలంటే తేలికపాటి మసాజ్ కూడా ఉపయోగకరంగా ఉంటుంది. కొద్దిగా నూనెతో నొప్పి ఉన్న చోట మృదువుగా మర్దన చేయడం వల్ల రక్త ప్రసరణ మెరుగవుతుంది. పెప్పర్మింట్, లావెండర్, రోజ్మేరీ వంటి సువాసన నూనెలు వాడితే శరీరానికి రిలీఫ్ కలగడమే కాకుండా, మనసుకు కూడా ఆహ్లాదంగా ఉంటుంది. రోజుకు ఒకటి రెండు సార్లు ఇలా చేస్తే నొప్పి తీవ్రత తగ్గుతుందని నిపుణులు చెబుతున్నారు.
ఈ సమయంలో తీసుకునే ఆహారం కూడా చాలా ముఖ్యమైన పాత్ర పోషిస్తుంది. క్యాల్షియం, మెగ్నీషియం ఎక్కువగా ఉండే ఆహార పదార్థాలను రోజువారీ భోజనంలో చేర్చుకోవాలని వైద్యులు సూచిస్తున్నారు. పాలు, పెరుగు, ఆకుకూరలు, తృణధాన్యాలు, గింజలు, విత్తనాలు శరీరానికి అవసరమైన పోషకాలను అందిస్తాయి. ఇవి కడుపునొప్పిని తగ్గించడమే కాకుండా మూడ్ స్వింగ్స్ను అదుపులో ఉంచడంలో సహాయపడతాయి. స్నాక్స్గా నూనెతో చేసిన పదార్థాలకంటే పండ్లు, నట్స్ తీసుకోవడం మంచిది. కొద్దిగా డార్క్ చాక్లెట్ తీసుకుంటే మనసు హుషారుగా మారుతుందని నిపుణులు చెబుతున్నారు. అయితే టీ, కాఫీ, ఎక్కువ ఉప్పు, మసాలా పదార్థాలను తగ్గించడం మంచిదని సూచిస్తున్నారు.
పీరియడ్స్ (Period Care) సమయంలో నీళ్లు తక్కువ తాగితే నొప్పి మరింత పెరిగే అవకాశం ఉంటుంది. అందుకే రోజంతా సరిపడా నీరు తాగడం చాలా అవసరం. ముఖ్యంగా గోరువెచ్చటి నీరు తాగితే శరీరంలోని కండరాలు రిలాక్స్ అయి నొప్పి తగ్గే అవకాశం ఉంటుంది. అలాగే కీరా, పుచ్చకాయ వంటి నీటి శాతం ఎక్కువగా ఉండే పండ్లు, కూరగాయలను ఆహారంలో చేర్చుకోవడం వల్ల శరీరం హైడ్రేటెడ్గా ఉంటుంది.
ఈ రోజుల్లో చాలామంది పీరియడ్స్ (Natural Remedies) సమయంలో పూర్తిగా విశ్రాంతి తీసుకోవాలని అనుకుంటారు. అయితే పూర్తిగా కదలకుండా ఉండటం కన్నా, తేలికపాటి వ్యాయామాలు చేయడం మంచిదని నిపుణులు సూచిస్తున్నారు. చిన్న వాకింగ్, యోగా, శ్వాస వ్యాయామాలు, ధ్యానం వంటివి శరీరానికి శక్తిని ఇస్తాయి. ఇవి ఒత్తిడిని తగ్గించి మానసిక ప్రశాంతతను కలిగిస్తాయి. అయితే పొత్తి కడుపు, నడుముపై ఎక్కువ ఒత్తిడి పడే వ్యాయామాలను మాత్రం నివారించాలి.
పీరియడ్స్ (Menstruation Health) అనేది సహజమైన ప్రక్రియ. సరైన ఆహారం, సరైన అలవాట్లు, కొద్దిపాటి శ్రద్ధతో ఈ రోజులను కూడా కాస్త హాయిగా గడపవచ్చు. అయినా నొప్పి చాలా తీవ్రంగా ఉంటే లేదా అసాధారణ లక్షణాలు కనిపిస్తే తప్పకుండా వైద్యులను సంప్రదించడం మంచిదని నిపుణులు సూచిస్తున్నారు.
