అమరావతికి టెక్ దిగ్గజం…
ఈ నెల 16న ఏపీకి బిల్ గేట్స్ రాక…
ఏపీ అభివృద్ధిలో మైలురాయి..
ప్రపంచవ్యాప్తంగా పేరుగాంచిన మైక్రోసాఫ్ట్ వ్యవస్థాపకుడు బిల్ గేట్స్ ఈ నెల 16వ తేదీన అమరావతికి రానున్నారు ఈ పర్యటనతో ఆంధ్రప్రదేశ్ రాష్ట్ర అభివృద్ధిలో ఒక కీలక మైలురాయిగా నిలవనుంది. ప్రపంచంలోనే అత్యంత ధనవంతుడు గొప్ప దాత అయిన బిల్ గేట్స్ రాక కోసం ప్రభుత్వం ఇప్పటికే అన్ని రకాల ఏర్పాట్లు పూర్తి చేసింది. ఆయన పర్యటన వల్ల రాష్ట్రానికి అంతర్జాతీయ స్థాయిలో మంచి గుర్తింపు రావడమే కాకుండా, భవిష్యత్తులో మరిన్ని పెట్టుబడులు వచ్చే అవకాశం ఉందని రాజకీయ విశ్లేషకులు భావిస్తున్నారు.
అమరావతికి చేరుకున్న తర్వాత బిల్ గేట్స్ గారు పలు ముఖ్యమైన కార్యక్రమాల్లో పాల్గొంటారు. ముఖ్యంగా రాష్ట్రంలో అమలవుతున్న సాంకేతిక విప్లవం గురించి ఆయన స్వయంగా తెలుసుకోనున్నారు. ముఖ్యమంత్రితో కలిసి రాష్ట్ర అభివృద్ధి ప్రణాళికల మీద చర్చలు జరుపుతారు అని సమాచారం. రాజధాని ప్రాంతంలో జరుగుతున్న నిర్మాణాలను, డిజిటల్ గవర్నెన్స్ కోసం ప్రభుత్వం తీసుకుంటున్న చర్యలను ఆయన పరిశీలిస్తారు. సాంకేతికతను సామాన్య ప్రజలకు ఏ విధంగా చేరువ చేస్తున్నారో ఆయనకు వివరించనున్నారు.
ఈ పర్యటనలో అత్యంత ప్రధానమైన ఘట్టం RTGS (Real Time Governance Society) కేంద్రాన్ని సందర్శించడం. రాష్ట్రంలో జరుగుతున్న ప్రతి పనిని, సంక్షేమ పథకాల అమలును ఒకే చోటు నుండి పర్యవేక్షించే ఈ కేంద్రాన్ని చూసి ఆయన అభిప్రాయాలను పంచుకుంటారు. సాంకేతికతను ఉపయోగించి పాలనను ఎలా పారదర్శకంగా మార్చవచ్చో RTGS ద్వారా తెలుసుకోవచ్చు. బిల్ గేట్స్ వంటి టెక్ దిగ్గజం ఈ కేంద్రాన్ని సందర్శించడం మన రాష్ట్ర సాంకేతిక నైపుణ్యానికి ఒక నిదర్శనం.
సాంకేతికతతో పాటు సామాజిక అంశాల మీద కూడా బిల్ గేట్స్ ప్రత్యేక దృష్టి పెట్టనున్నారు. ఆయనకు చెందిన బిల్ అండ్ మెలిండా గేట్స్ ఫౌండేషన్ ద్వారా మన రాష్ట్రంలో ఆరోగ్యం, వ్యవసాయం మరియు పారిశుధ్యం వంటి రంగాలలో జరుగుతున్న మార్పులను ఆయన అడిగి తెలుసుకుంటారు. ముఖ్యంగా గ్రామీణ ప్రాంతాల్లో మహిళల ఆరోగ్యం పోషకాహార లోపం తగ్గించడానికి ప్రభుత్వం చేస్తున్న కృషిని ఆయనకు వివరించనున్నారు.
దీనివల్ల భవిష్యత్తులో గేట్స్ ఫౌండేషన్ నుండి మన రాష్ట్రానికి మరింత సహకారం అందే అవకాశం ఉంది.
బిల్ గేట్స్ పర్యటన ఆంధ్రప్రదేశ్ రాష్ట్రానికి ఒక గొప్ప శుభపరిణామం. ఇది కేవలం ఒక పర్యటన మాత్రమే కాదు, రాష్ట్ర ప్రగతికి దొరికిన ఒక పెద్ద ప్రోత్సాహం. ఆయన ఇచ్చే సలహాలు, సూచనలు మన రాష్ట్ర ఐటి రంగంలో పాలనా యంత్రాంగంలో విప్లవాత్మక మార్పులకు దారితీస్తాయని అందరూ ఆశిస్తున్నారు. అమరావతి వీధులు ఈ ప్రపంచ స్థాయి అతిథికి ఘనస్వాగతం పలకడానికి ముస్తాబ్ అవుతున్నాయి.
