జూన్ నెలలో తిరుమల వెళ్లాలనుకుంటున్నారా…
నేడే లక్కీ డిప్ రిజిస్ట్రేషన్ ప్రారంభం..
రూ. 300 దర్శన టికెట్లు ఎప్పుడు విడుదలంటే…
Arjita Seva Ticket: జూన్ నెలకు సంబంధించిన సుప్రభాతం, తోమాల, అర్చన, అష్టదళ పాదపద్మారాధన వంటి ఆర్జిత సేవా టికెట్ల లక్కీ డిప్ (Lucky Dip) రిజిస్ట్రేషన్ మార్చి 18న ఉదయం 10 గంటలకు ప్రారంభమవుతుంది. భక్తులు మార్చి 20వ తేదీ ఉదయం 10 గంటల వరకు తమ పేర్లను నమోదు చేసుకోవచ్చు. లక్కీ డిప్లో టికెట్లు పొందిన వారు మార్చి 22 మధ్యాహ్నం 12 గంటలలోపు డబ్బు చెల్లించి టికెట్లను ఖరారు చేసుకోవాలి.
కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ వంటి టికెట్లతో పాటు జూన్ 9 నుండి 11 వరకు జరిగే జ్యేష్ఠాభిషేకం (Jyeshtabhishekam) టికెట్లను మార్చి 21న ఉదయం 10 గంటలకు విడుదల చేస్తారు. అదే రోజు మధ్యాహ్నం 3 గంటలకు వర్చువల్ సేవలు మరియు వాటికి సంబంధించిన దర్శన స్లాట్లు అందుబాటులోకి వస్తాయి.
అంగప్రదక్షిణం టోకెన్లను మార్చి 23న ఉదయం 10 గంటలకు, శ్రీవాణి ట్రస్ట్ టికెట్లను ఉదయం 11 గంటలకు విడుదల చేస్తారు. వృద్ధులు మరియు దివ్యాంగుల కోసం కేటాయించిన ప్రత్యేక ఉచిత దర్శన కోటాను మార్చి 23న మధ్యాహ్నం 3 గంటలకు రిలీజ్ చేస్తారు. భక్తులు ఎంతగానో ఎదురుచూసే రూ. 300 ప్రత్యేక ప్రవేశ దర్శన (Special Entry Darshan) టికెట్లను మార్చి 24న ఉదయం 10 గంటలకు, గదుల కోటాను అదే రోజు మధ్యాహ్నం 3 గంటలకు విడుదల చేయనున్నారు.
మార్చి 27న శ్రీవారి సేవ, నవనీత సేవ మరియు పరకామణి సేవ వంటి స్వచ్ఛంద సేవల కోటాను విడుదల చేస్తారు. భక్తులు కేవలం https://ttdevasthanams.ap.gov.in వెబ్సైట్ ద్వారా మాత్రమే తమ టికెట్లను బుక్ చేసుకోవాలని, దళారుల బారిన పడి మోసపోవద్దని టీటీడీ విజ్ఞప్తి చేసింది. సరైన ప్రణాళికతో టికెట్లు బుక్ చేసుకుని శ్రీవారిని దర్శించుకోవాలని అధికారులు సూచించారు.
