రోజంతా ఆఫీసు పనులు, బయట కాలుష్యం, అలసట.. వీటి ప్రభావం మన ముఖంపై స్పష్టంగా కనిపిస్తుంది. రాత్రి పడుకునే ముందు ఎంత ఖరీదైన క్రీములు రాసినా, ఉదయానికి చర్మం పొడిబారిపోయి నీరసంగా కనిపిస్తుందా? అయితే మీ స్కిన్ కేర్ రొటీన్లో 'స్లీపింగ్ మాస్క్ చేర్చాల్సిన సమయం వచ్చేసింది. చర్మ సౌందర్యాన్ని కాపాడుకోవడంలో రాత్రిపూట తీసుకునే జాగ్రత్తలు అత్యంత కీలకమని నిపుణులు చెబుతున్నారు.
ఫేస్ మాస్క్లు వేసుకున్న 15-20 నిమిషాలకే కడిగేయాల్సి ఉంటుంది. కానీ స్లీపింగ్ మాస్క్ అలా కాదు. ఇది రాత్రంతా మీ చర్మంపై ఉండి, నిద్రలో చర్మం కోల్పోయిన తేమను తిరిగి అందిస్తుంది. చర్మ రంధ్రాల్లోకి లోతుగా వెళ్లి, కణాలను రిపేర్ చేయడంలో ఇది అద్భుతంగా పనిచేస్తుంది. ఉదయం నిద్ర లేవగానే మీ ముఖం తాజాగా, కాంతివంతంగా మెరిసిపోవాలంటే ఇదొక చక్కని మార్గం.
చర్మ తత్వాన్ని బట్టి మార్కెట్లో రకరకాల స్లీపింగ్ మాస్క్లు అందుబాటులో ఉన్నాయి. వాటిలో కొన్ని ప్రముఖమైనవి
క్లినిక్ మాయిశ్చర్ సర్జ్ ఓవర్నైట్ మాస్క్: ఇది చర్మానికి అవసరమైన పోషణను అందించి, మృదువుగా మారుస్తుంది. ఉదయానికి ముఖంపై సహజమైన మెరుపును తీసుకువస్తుంది.
క్వెంచ్ బ్రేవోకాడో స్కిన్ రిపేరింగ్ మాస్క్: ఇందులో ఉండే లికోరైస్ రూట్ ఎక్స్ట్రాక్ట్ చర్మంపై ఉన్న మచ్చలను తగ్గించి, స్కిన్ టోన్ను సమానంగా మారుస్తుంది. మంట లేదా చికాకు ఉన్న చర్మానికి ఇది మంచి ఉపశమనం.
లాక్మే విటమిన్ సి+ ఓవర్నైట్ మాస్క్: విటమిన్ సి చర్మానికి కొత్త కళను ఇస్తుంది. షియా బట్టర్ గుణాలు ఉండటం వల్ల ఇది చర్మాన్ని హైడ్రేటెడ్గా ఉంచుతూనే, అలసటను దూరం చేస్తుంది.
ది బాడీ షాప్ ఎడెల్విస్ బౌన్సీ మాస్క్: జెల్-క్రీమ్ రూపంలో ఉండే ఈ మాస్క్ చర్మంలోకి త్వరగా ఇంకిపోతుంది. చర్మం యొక్క సహజ తేమను కాపాడటంలో ఇది కీలకంగా పనిచేస్తుంది.
స్లీపింగ్ మాస్క్ రాసే ముందు ముఖాన్ని శుభ్రంగా కడుక్కోవాలి.మీ చర్మం ఆయిలీగా ఉంటే జెల్ బేస్డ్ మాస్క్లు, పొడిగా ఉంటే క్రీమ్ బేస్డ్ మాస్క్లు ఎంచుకోవడం మంచిది. వారానికి రెండు లేదా మూడు సార్లు ఉపయోగిస్తే సరిపోతుంది.
