గుంటూరు జిల్లా మంగళగిరిలో నవంబర్ 29న నిర్వహించనున్న మెగా జాబ్ మేళా పోస్టర్ను జిల్లా కలెక్టర్ ఎ. తమీమ్ అన్సారియా విడుదల చేశారు. ఈ జాబ్ మేళా V.T.J.M & I.V.T.R డిగ్రీ కళాశాలలో నిర్వహించబడనుంది. ఉద్యోగాల కోసం ఎదురుచూస్తున్న యువతకు ఇది మంచి అవకాశమని అధికారులు చెబుతున్నారు.
ఈ జాబ్ మేళాలో పది కంటే ఎక్కువ కంపెనీలు పాల్గొననున్నాయి. వివిధ రంగాల్లో ఉద్యోగాలు ఇవ్వడానికి ఈ కంపెనీలు సిద్ధంగా ఉన్నాయని తెలిపారు. యువత తమ అర్హతకు అనుగుణంగా ఉద్యోగాలను పొందే అవకాశం ఉందని అధికారులు చెప్పారు.
ఈ మేళాకు 10వ తరగతి, ఇంటర్, డిగ్రీ, పీజీ, B.Tech వంటి అర్హతలు ఉన్న 18 నుండి 25 ఏళ్ల యువత హాజర్ కావచ్చు. ఆధార్ కార్డు, విద్యా సర్టిఫికేట్లు, ఫోటోలు, బయోడేటా వంటి అవసరమైన పత్రాలతో నేరుగా ఇంటర్వ్యూకు రావాలని సూచించారు. ఇంటర్వ్యూల ద్వారా ఎంపిక జరుగుతుంది.
ఎంపికైన అభ్యర్థులకు నెలకు ₹10,000 నుంచి ₹30,000 వరకు వేతనాలు అందనున్నాయి. ప్రతి కంపెనీ వారి నియామక విధానానికి అనుగుణంగా వేతనం నిర్ణయించనుంది. ఈ మేళా యువతలో ఉపాధి అవకాశాలను పెంచుతుందని అధికారులు అభిప్రాయపడ్డారు.
జాబ్ మేళా నవంబర్ 29 ఉదయం 10 గంటల నుంచి సాయంత్రం 4 గంటల వరకు జరుగుతుంది. ఆసక్తి గల అభ్యర్థులు ముందుగా నైపుణ్యం పోర్టల్ (naipunyam.ap.gov.in)లో రిజిస్ట్రేషన్ చేసుకోవాలి. మరిన్ని వివరాల కోసం 8074597926, 7780588993, 9347372996 నంబర్లను సంప్రదించవచ్చని అధికారులు తెలిపారు.
