ఆంధ్రప్రదేశ్ రాజధాని (Andhra Pradesh Capital) అమరావతి (Amaravati) ని ప్రపంచ ప్రసిద్ధి చెందిన (World-famous) రాజధాని నగరంగా రూపుదిద్దడానికి రాష్ట్ర ప్రభుత్వం అన్ని రకాలుగా చర్యలు తీసుకుంటోంది. ఇందులో భాగంగా ఇప్పటికే అమరావతి పట్టణంలో పెద్ద ఎత్తున మౌలిక వసతుల నిర్మాణం జరుగుతోంది. సీడ్ క్యాపిటల్ ఇప్పటికే రూపుదిద్దుకోగా, ఈ ప్రాంత అభివృద్ధికి రాష్ట్ర ప్రభుత్వం పెట్టుబడులను ఆకర్షిస్తోంది.
రాష్ట్ర ప్రభుత్వం మాస్టర్ ప్లాన్‌లో మొత్తం ఏడు నగరాలను ఏర్పాటు చేస్తామని పేర్కొంది. అందులో ఐటీ హబ్ కూడా ఒకటిగా ఉంటుంది. మనకు తెలిసిన విషయమే, ప్రపంచవ్యాప్తంగా అభివృద్ధి చెందిన నగరాలు అన్నీ ఐటీ రంగం విస్తరించడం వల్లే పెద్ద ఎత్తున అభివృద్ధి చెందాయి. హైదరాబాద్, బెంగళూరు, పూణే వంటి నగరాలు అభివృద్ధి చెందడానికి ప్రధాన కారణం ఇన్ఫర్మేషన్ టెక్నాలజీ కంపెనీలే.
ఎందుకంటే, ఐటీ ద్వారా విదేశీ పెట్టుబడులు (Foreign investments) తరలి వచ్చి, ఉపాధి అవకాశాలు పెరుగుతాయి. ప్రస్తుతం ఆర్టిఫిషియల్ ఇంటెలిజెన్స్ యుగంలో ఉన్నాం కాబట్టి, పెద్ద ఎత్తున ఉపాధి అవకాశాలు కల్పించేందుకు ఏపీ రాష్ట్ర ప్రభుత్వం అనేక జాగ్రత్తలు తీసుకుంటోంది.
అమరావతి నగరం పరిధిలో ఐటీ కంపెనీలను ఎక్కువగా మంగళగిరి ప్రాంతంలోనే ఏర్పాటు చేస్తున్నారు. దీనికి కారణాలు లేకపోలేదు: ఈ ప్రాంతంలో ఇప్పటికే పలు ఐటీ కంపెనీల నిర్మాణం జరిగింది, వాటి పనితీరు కూడా ప్రారంభమైంది.
పలు బిపిఓ (BPO), కేపిఓ (KPO) సంస్థలు, అలాగే స్టార్టప్ కంపెనీలు మంగళగిరి ప్రాంతంలో తమ కార్యకలాపాలు ప్రారంభించాయి. రాష్ట్ర ప్రభుత్వం మంగళగిరిలో ఐటీ సెజ్‌ను కూడా ప్రత్యేకంగా ఏర్పాటు చేసింది. ఈ ప్రాంతంలో డేటా సెంటర్ ద్వారా కూడా పెద్ద ఎత్తున ఉపాధి అవకాశాలు లభిస్తున్నాయి.
ఐటీ రంగం అభివృద్ధి చెందేందుకు రాష్ట్ర ప్రభుత్వం మంగళగిరిపై ప్రత్యేక దృష్టి పెట్టింది. ముఖ్యంగా స్టార్టప్ కంపెనీలతో పాటు అంతర్జాతీయ సంస్థల (International organizations) ఏర్పాటుకు మౌలిక వసతులు కల్పించడంతో పాటు భూముల కేటాయింపు కూడా జరుగుతుంది.
నిపుణులు అంచనా వేస్తున్న దాని ప్రకారం, మంగళగిరి ప్రాంతం మరో ఐదు నుంచి పది సంవత్సరాలలో పెద్ద ఎత్తున అభివృద్ధి (Large scale development) చెందే అవకాశం (Opportunity) ఉంది. హైదరాబాద్‌లోని గచ్చిబౌలి లేదా ఫైనాన్షియల్ డిస్ట్రిక్ట్ తరహాలో ఈ ప్రాంతం అభివృద్ధి జరగవచ్చని వారు అంచనా వేస్తున్నారు.
ఐటీ కంపెనీల వలస మరియు పెట్టుబడుల కారణంగా ఉపాధి కోసం ప్రజలు మంగళగిరి కి తరలి వస్తారు. ఈ నేపథ్యంలో ఈ ప్రాంతంలో రెసిడెన్షియల్ మరియు కమర్షియల్ ప్రాజెక్టులకు మంచి డిమాండ్ ఏర్పడే అవకాశం ఉంది.
ఇప్పటికే మంగళగిరి చుట్టుపక్కల గ్రామాల్లోని భూముల ధరలు భారీగా పెరిగాయి. భవిష్యత్తులో ఈ ప్రాంతంలో స్థిరాస్తిలో పెట్టుబడి పెట్టే వారికి చక్కటి అవకాశాలు ఉండే వీలుందని రియల్ ఎస్టేట్ నిపుణులు పేర్కొంటున్నారు.
మొత్తం మీద, మంగళగిరి కేవలం అమరావతిలోని ఒక ప్రాంతంగా కాకుండా, భవిష్యత్తులో ఆంధ్రప్రదేశ్ ఆర్థిక మరియు సాంకేతిక కేంద్రంగా రూపుదిద్దుకోబోతోంది అని చెప్పవచ్చు.
