Lakme Fashion Week 2026: వెండితెరపై తన నటనతో డ్యాన్స్తో కోట్లాది మంది అభిమానులను సంపాదించుకున్న 'మిల్కీ బ్యూటీ' తమన్నా భాటియా, ఇప్పుడు వ్యాపార రంగంలోనూ తన అదృష్టాన్ని పరీక్షించుకుంటున్నారు. ముంబై వేదికగా జరుగుతున్న ప్రతిష్టాత్మక 'లక్మే ఫ్యాషన్ వీక్'లో ఆమె అందరి దృష్టిని ఆకర్షించారు. కేవలం ర్యాంప్ వాక్ చేయడమే కాకుండా, తన మనసుకి ఎంతో దగ్గరైన సొంత జ్యువెలరీ బ్రాండ్ను కూడా ఈ వేదిక ద్వారా ప్రపంచానికి పరిచయం చేయడం విశేషం.
ప్రముఖ డిజైనర్ భూమిక శర్మ రూపొందించిన 'ఆఫ్టర్గ్లో' అనే ప్రత్యేక కలెక్షన్ కోసం తమన్నా షో స్టాపర్గా వ్యవహరించారు. రాయల్ బ్లూమ్ ప్రింట్తో మెరిసిపోతున్న కోర్సెట్, జిగేల్మనే సీక్విన్స్ స్కర్ట్ ధరించి ఆమె ర్యాంప్పై నడుస్తుంటే చూపరులు ఫిదా అయిపోయారు. ఈ డ్రెస్సులో ఆమె లుక్ ఎంతో మోడ్రన్గా, అదే సమయంలో ఎంతో ఫెమినిన్గా కనిపించింది. సాధారణంగా ఎరుపు రంగు దుస్తులు పెళ్లిళ్లకే పరిమితం అనుకుంటారు, కానీ ఈ డిజైన్ ఆ పద్ధతిని మార్చేలా ఉందని తమన్నా మురిసిపోయారు.
ఈ వేడుకలో తమన్నా తన ఫ్యాషన్ రహస్యాలను కూడా పంచుకున్నారు. "నాకు గ్లామర్ కంటే సౌకర్యమే ముఖ్యం" అని ఆమె స్పష్టం చేశారు. మనం వేసుకునే బట్టలు లేదా నగలు ఏవైనా సరే, అవి మనల్ని ఇబ్బంది పెట్టకూడదని, రోజంతా హాయిగా ఉండగలిగేలా ఉండాలని ఆమె చెప్పారు. భూమిక శర్మ డిజైన్ చేసిన ఈ అవుట్ఫిట్ ఇప్పటివరకు తను వేసుకున్న వాటిలో అత్యంత సౌకర్యవంతమైనదని, అందుకే ర్యాంప్పై చాలా కాన్ఫిడెంట్గా నడవగలిగానని తమన్నా పేర్కొన్నారు.
అయితే, ఈ షోలో అందరినీ ఆశ్చర్యపరిచిన విషయం తమన్నా సొంత నగల బ్రాండ్. తనే స్వయంగా డిజైన్ చేయించుకున్న నగలను తొలిసారిగా ఒక ఇండియన్ అవుట్ఫిట్పై ధరించి మెరిశారు. తన కలల ప్రాజెక్ట్ అయిన ఈ జ్యువెలరీ లైన్ను ఇలాంటి పెద్ద వేదికపై లాంచ్ చేయడం తనకు ఎంతో స్పెషల్ అని ఆమె ఆనందం వ్యక్తం చేశారు. సంప్రదాయానికి, ఆధునికతకు అద్దం పట్టేలా ఈ నగలను తీర్చిదిద్దినట్లు తెలుస్తోంది.
డిజైనర్ భూమిక శర్మ మాట్లాడుతూ.. నేటి తరం మహిళల ఆలోచనలకు తగ్గట్టుగా, వారి వ్యక్తిత్వాన్ని ప్రతిబింబించేలా 'ఆఫ్టర్గ్లో' కలెక్షన్ను రూపొందించినట్లు తెలిపారు. వైట్, బేజ్ వంటి లేత రంగులతో పాటు ఎరుపు, టీల్ వంటి గాఢమైన రంగులను కూడా ఇందులో ఉపయోగించారు. ప్రస్తుతం తమన్నాకు సంబంధించిన ఈ ఫొటోలు, వీడియోలు సోషల్ మీడియాలో తెగ వైరల్ అవుతున్నాయి. హీరోయిన్గానే కాకుండా బిజినెస్ ఉమన్గా కూడా తమన్నా సక్సెస్ అవ్వాలని ఫ్యాన్స్ ఆశిస్తున్నారు.
