రామ్ చరణ్ అభిమానులకు మరోసారి సూపర్ అప్‌డేట్ వచ్చేసింది. ప్రముఖ నిర్మాత నవీన్ యెర్నేని తాజాగా మీడియాతో మాట్లాడుతూ రామ్ చరణ్–సుకుమార్ కాంబినేషన్‌లో కొత్త ప్రాజెక్ట్ ప్రారంభమవుతుందని వెల్లడించారు. ప్రస్తుతం రామ్ చరణ్ తన పెద్ది సినిమాతో షూటింగ్‌లో బిజీగా ఉన్నారని ఆ ప్రాజె ఆ ప్రాజెక్ట్ పూర్తైన వెంటనే ఈ కొత్త సినిమా పనులు మొదలవుతాయని తెలిపారు.
షూటింగ్ వచ్చే ఏడాది ఏప్రిల్–మే మధ్యలో ప్రారంభించే అవకాశం ఉందని నిర్మాత స్పష్టం చేశారు.
ఇదిలా ఉంటే గతంలో RRR ప్రమోషన్స్ సందర్భంగా సుకుమార్, రామ్ చరణ్ ఇద్దరూ చెప్పిన ఒక హార్డ్ హిట్టింగ్ సీన్ గురించి చిన్న క్లిప్ ఇప్పుడు మళ్లీ సోషల్ మీడియాలో వైరల్ అవుతోంది. అభిమానులు ఆ వీడియోపై తెగ హడావుడి చేస్తున్నారు. ఈ సీన్ థియేటర్లలో సిటీ కదిలిస్తుంది అంటూ కామెంట్లు పెడుతున్నారు.
కొత్త ప్రాజెక్ట్ కోసం రామ్ చరణ్ ప్రత్యేకమైన ఫిట్‌నెస్ ట్రాన్స్‌ఫార్మేషన్ చేస్తున్నారని సమాచారం. మాస్ స్టైల్, మీసం గడ్డం ముక్కు రింగ్‌తో కూడిన లుక్‌లో ఆయన కనిపించనున్నారని తెలుస్తోంది. డైలాగ్ డెలివరీలో కూడా కొత్త యాక్సెంట్, ప్రత్యేక శైలిని ఫాలో అవుతున్నారని సినీ పరిశ్రమలో ఈ వార్త చెక్కర్లు కొడుతుంది.
ఇదే సమయంలో చరణ్ నటిస్తున్న పెద్ది సినిమా షూటింగ్ ప్రస్తుతం పుణేలో శరవేగంగా సాగుతోంది. సుమారు 60% షూటింగ్ పూర్తయిందని త్వరలో ఫస్ట్ సింగిల్ రిలీజ్ కు ప్లాన్ చేస్తున్నారని యూనిట్ వర్గాలు వెల్లడించాయి. బిజీ షెడ్యూల్‌లో ప్రతి రోజూ కీలక సన్నివేశాలు పూర్తవుతున్నాయని తెలుస్తోంది.
సుకుమార్–రామ్ చరణ్ కాంబినేషన్‌లో వచ్చిన రంగస్థలం చిత్రం ఏ స్థాయిలో ప్రేక్షకులను అలరించిందో చెప్పనవసరం లేదు. వీరిద్దరి కాంబోలో వచ్చే ఈ కొత్త సినిమా కూడా బాక్సాఫీస్ వద్ద రికార్డులు తిరగరాయడం ఖాయమని అభిమానులు నమ్ముతున్నారు. చూడాలి మరి ఈ సారి ఈ ఇద్దరి కాంబినేషన్ ఎలాంటి సంచలనాన్ని సృష్టిస్తుందో!
