NATS పిట్స్బర్గ్ చాప్టర్ మరో ఆసక్తికర కార్యక్రమం..
USCF రేటెడ్ చెస్ టోర్నమెంట్ 2026..
ఉత్తర అమెరికా తెలుగు సంఘం (NATS) పిట్స్బర్గ్ చాప్టర్ మరో ఆసక్తికర కార్యక్రమంతో ముందుకొస్తోంది. పిట్స్బర్గ్ చెస్ క్లబ్తో కలిసి ‘USCF రేటెడ్ చెస్ టోర్నమెంట్ 2026’ను నిర్వహించనుంది. చదరంగం పట్ల ఆసక్తి ఉన్న చిన్నారుల నుంచి పెద్దల వరకు అందరికీ ఓపెన్గా నిర్వహించే ఈ పోటీలు ప్రతిభను చాటుకునే మంచి వేదికగా నిలవనున్నాయి.
ఈ టోర్నమెంట్ ఏప్రిల్ 26, 2026 (ఆదివారం) ఉదయం 8:00 గంటల నుంచి మధ్యాహ్నం 2:00 గంటల వరకు జరగనుంది. కార్యక్రమం 400 Cayuga Cir, Mars, PA లో నిర్వహించబడుతుంది. మొత్తం నాలుగు రౌండ్లతో (Four Round G/30 Swiss Tournament) ఈ పోటీలు సాగనున్నాయి.
పోటీల్లో పాల్గొనాలనుకునే వారికి ప్రస్తుత USCF మెంబర్షిప్ తప్పనిసరి అని నిర్వాహకులు స్పష్టం చేశారు. రిజిస్ట్రేషన్ ప్రక్రియ ఏప్రిల్ 3, 2026న ప్రారంభమై, ఏప్రిల్ 23, 2026తో ముగియనుంది. నాట్స్ సభ్యులకు $25, సభ్యులు కానివారికి $30 ఫీజుగా నిర్ణయించారు. ఆసక్తి గల వారు natsworld.org/pghchess2026 లింక్ ద్వారా నమోదు చేసుకోవచ్చు.
ఈ పోటీల్లో విజేతలకు నగదు బహుమతులతో పాటు ట్రోఫీలు అందజేయనున్నారు. ప్రథమ బహుమతిగా $100 మరియు ట్రోఫీ, ద్వితీయ బహుమతిగా $75 మరియు ట్రోఫీ ఇవ్వనున్నారు.
నాట్స్ చైర్మన్ కిషోర్ కంచర్ల, ప్రెసిడెంట్ శ్రీహరి మందాడి పర్యవేక్షణలో పిట్స్బర్గ్ చాప్టర్ ప్రతినిధులు ఈ కార్యక్రమాన్ని సమర్థవంతంగా నిర్వహించేందుకు ఏర్పాట్లు చేస్తున్నారు. మరిన్ని వివరాల కోసం నాట్స్ హెల్ప్లైన్ నంబర్లను సంప్రదించాలని నిర్వాహకులు సూచించారు.
చదరంగం పట్ల ఆసక్తి ఉన్న వారికి ఈ టోర్నమెంట్ ఒక మంచి అవకాశంగా మారనుంది. కొత్త ప్రతిభకు వేదికగా, అనుభవజ్ఞులకు పోటీగా నిలిచే ఈ కార్యక్రమం పిట్స్బర్గ్ తెలుగు సమాజంలో ప్రత్యేక ఆకర్షణగా నిలవనుంది.
