టాలీవుడ్ యంగ్ టైగర్ ఎన్టీఆర్ మరోసారి సోషల్ మీడియాలో సునామీ లాంటి ట్రెండ్‌ను క్రియేట్ చేస్తున్నారు. ప్రస్తుతం ప్రశాంత్ నీల్ దర్శకత్వంలో తెరకెక్కుతున్న డ్రాగన్ కోసం ఆయన చేసిన లుక్ మారుస్తున్న ఫోటోలు ప్రస్తుతం సోషల్ మీడియాలో హల్చల్ చేస్తున్నాయి. గత కొంతకాలంగా ఎన్టీఆర్ ఎక్కువగా పబ్లిక్ ఈవెంట్లకు దూరంగా ఉండటానికి ఇదే కారణమని ఇండస్ట్రీ వర్గాలు చెబుతున్నాయి.
ఇటీవల ఎయిర్‌పోర్ట్‌లో కనిపించిన ఎన్టీఆర్ లుక్ ఇప్పుడు సోషల్ మీడియాలో వైరల్. స్లిమ్ అండ్ ఫిట్ లుక్‌లో, క్లీన్‌గానే కానీ స్టైలిష్‌గా కనిపించిన తారక్ ఒక చిన్న హెయిర్‌కట్, మీసం స్టైలింగ్‌తో కొత్త అటిట్యూడ్ చూపించారు. సాధారణ దుస్తులలోనే ఆయన లుక్ క్రేజ్‌కి చేరుకోవడం చూస్తే, స్క్రీన్ మీద ఎలా ఉండబోతున్నారనే ఆసక్తి మరింత పెరిగింది. “ఇది ఎన్టీఆర్ 2.0 వెర్షన్ లా ఉంది,” “డ్రాగన్‌లో మాస్ అన్‌లాక్ అవుతుంది” అంటూ అభిమానులు కామెంట్లు చేస్తున్నారు.
ప్రశాంత్ నీల్ సినిమాలు అంటే యాక్షన్‌కు కొత్త డైమెన్షన్. KGF ,సలార్ తరువాత ఆయన ఎన్టీఆర్‌తో కలిసి పని చేయడం ఇండస్ట్రీలోనే హెవీ కాంబినేషన్‌గా భావిస్తున్నారు. ఇండస్ట్రీ వర్గాల సమాచారం ప్రకారం, ఈ సినిమాకు భారీ స్కేల్ యాక్షన్ సీక్వెన్స్‌లు ప్లాన్ చేస్తున్నారు. విదేశాల్లో, ముఖ్యంగా ఆఫ్రికా ప్రాంతాల్లో లోకేషన్ స్కౌటింగ్ పూర్తైంది. షూటింగ్ వచ్చే వారాల్లో మళ్ళీ స్టార్ట్ కానుందనే వార్త వినిపిస్తోంది.
ఈ ప్రాజెక్ట్‌ను ఎన్టీఆర్ ఆర్ట్స్ మరియు మైత్రి మూవీ మేకర్స్ సంయుక్తంగా నిర్మిస్తున్నారు. భారీ బడ్జెట్, హై ఎండ్ VFX, పాన్ వరల్డ్ స్టైల్ ప్రెజెంటేషన్‌తో మూవీని రూపొందిస్తున్నట్లు సమాచారం. హీరోయిన్‌గా రుక్మిణి వసంత్ నటిస్తుండగా, మిగతా కీలక నటీనటుల వివరాలు త్వరలో ప్రకటించనున్నారు.
సినిమా విడుదల తేదీ ఇప్పటికే ఫిక్స్ చేశారు — జూన్ 25, 2026. అంటే వచ్చే ఏడాది మొత్తం ఈ ప్రాజెక్ట్ షూటింగ్, పోస్ట్ ప్రొడక్షన్ అనే రెండు దశల్లో సాగబోతోంది.
ప్రస్తుతం సోషల్ మీడియాలో #NTRNewLook, #Dragon హ్యాష్‌ట్యాగ్‌లు టాప్ ట్రెండ్స్‌లో ఉన్నాయి. అభిమానులు ఎన్టీఆర్ తాజా వీడియోలు, ఫొటోలు షేర్ చేస్తూ, తారక్ మాస్ మోడ్ ON!, థియేటర్స్‌కు బైరాగి వస్తుంది అంటూ కామెంట్లు చేస్తున్నారు.
ప్రశాంత్ నీల్ రఫ్ స్టైల్ + ఎన్టీఆర్ ఎనర్జీ బ్లాక్‌బస్టర్ ఫార్ములా అనే ఫీలింగ్ అభిమానులది.
