.202402087545.jpg)
హైదరాబాద్ పరిసరాల్లో డ్రోన్ పోర్ట్ నిర్మాణానికి తెలంగాణ ప్రభుత్వం గ్రీన్ సిగ్నల్ ఇచ్చింది. ఇందుకు అవసరమైన 20 ఎకరాల స్థలం చూడాలని సీఎం రేవంత్ రెడ్డి అధికారులను ఆదేశించారు. ఏవియేషన్ నిబంధనల ప్రకారం అభ్యంతరం లేని జోన్లో ఈ స్థలం కేటాయించాలని ఆయన సూచించారు.
ఇస్రోకు చెందిన నేషనల్ రిమోట్ సెన్సింగ్ సెంటర్(ఎన్ఆర్ఎస్సీ)తో డ్రోన్ పైలట్లకు అధునాతన శిక్షణపై తెలంగాణ స్టేట్ ఏవియేషన్ అకాడమీ ఎంవోయూ చేసుకుంది. బుధవారం సెక్రటేరియట్లో సీఎం రేవంత్ రెడ్డి, మంత్రి కోమటిరెడ్డి ఇస్రో ఛైర్మన్ ఎస్.సోమనాథ్ సమక్షంలో తెలంగాణ ఏవియేషన్ అకాడమీ సీఈవో అధికారులు ఈ ఒప్పందంపై సంతకాలు చేశారు.
ప్రస్తుతం శంషాబాద్ ఎయిర్పోర్టులోనే డ్రోన్ పైలట్లకు శిక్షణ ఇస్తున్నామని.. అక్కడున్న రద్దీ దృష్ట్యా హైదరాబాద్ పరిసరాల్లో ప్రత్యేకంగా డ్రోన్ పైలట్ల శిక్షణకు స్థలం కేటాయించాలని ఏవియేషన్ అకాడమీ అధికారులు చేసిన విజ్ఞప్తికి సీఎం రేవంత్ స్పందించారు.
డ్రోన్ పోర్టు ఏర్పాటుకు ఎంత స్థలం అవసరం... ఏమేం నిర్మాణాలు చేపడుతారని ముఖ్యమంత్రి ఈ సందర్భంగా అధికారులను ఆరా తీశారు. పైలట్ల శిక్షణతోపాటు డ్రోన్ల తయారీ కంపెనీలు తమ ట్రయల్స్ నిర్వహించుకునేందుకు ఈ పోర్టు ఉపయోగపడుతుందని సీఎం అభిప్రాయపడ్డారు.
మీ వ్యాపార ప్రకటనల కొరకు ఆంధ్ర ప్రవాసి డాట్ కామ్ AndhraPravasi.com ఉచితంగా అందిస్తున్న క్లాసిఫైడ్స్ Classifieds లో ప్రకటించుకొని మీ వ్యాపారాన్ని అభివృధ్ది చేసుకోండి.
వరంగల్ విమానాశ్రయం పునరుద్ధరణపైనా సీఎం ఆరా తీశారు. ఎయిర్పోర్టు పునరుద్ధరణకు తగిన చర్యలు చేపట్టాలని అధికారులను ఆదేశించారు. పాడైన పాత రన్ వేలను కొత్తగా నిర్మించడంతోపాటు అక్కడి నుంచి కమర్షియల్ ఆపరేషన్స్ నిర్వహించేందుకు సాధ్యాసాధ్యాలు పరిశీలించాలన్నారు. అందుకు అడ్డంకులేమైనా ఉంటే సత్వరమే పరిష్కరించాలని అధికారులను ఆదేశించారు.
భద్రాచలం, కొత్తగూడెం పరిసర ప్రాంతంలోనూ విమానాశ్రయం ఏర్పాటుకు అనువుగా ఉంటుందని సీఎం రేవంత్ అన్నారు. అక్కడున్న అవకాశాలను పరిశీలించి ఎయిర్పోర్ట్ అథారిటీతో సంప్రదింపులు జరపాలని అధికారులకు సూచించారు. సీఎం రేవంత్ ఆదేశాలతో ఆ ప్రాంతవాసుల్లో కొత్త ఆశలు చిగురుస్తున్నాయి. ఒక వేళ అక్కడ కొత్త ఎయిర్ పోర్టు అందుబాటులోకి వస్తే ఆ ప్రాంతం వేగంగా అభివృద్ధి చెందనుంది.
తెలుగు ప్రవాసులకు ఉపయోగ పడే వార్తలు, వారికి సంబంధించిన వార్తలు, వారు నివసించే ఆయా దేశాలలో వారికి సంబంధించిన వార్తలు, ఇంకా ఉద్యోగ వార్తలు, క్లాసిఫైడ్స్, అన్ని ఒక చోటనే... క్రింది లింక్స్ పై క్లిక్ చేసి గ్రూప్ లో జాయిన్ అవ్వండి
