ఆంధ్రప్రదేశ్లో తోతాపురి మామిడి రైతులకు కేంద్ర ప్రభుత్వం పెద్ద ఉపశమనం అందించింది. 2025–26 సంవత్సరానికి ధరల లోపం చెల్లింపు పథకం కింద కేంద్రం మార్కెట్ హస్తక్షేప విధానాన్ని ఆమోదించింది. ఈ నిర్ణయం ద్వారా రాష్ట్రంలోని రైతుల నుంచి మొత్తం 1.62 లక్షల మెట్రిక్ టన్నుల మామిడి కొనుగోలు చేసే అవకాశం ఏర్పడింది. రైతులకు ప్రతి క్వింటాల్కు రూ.1,490.73 చెల్లించనున్నారు.
ఈ పథకం నిబంధనల ప్రకారం, మద్దతు ధరను కేంద్రం మరియు రాష్ట్రం 50:50 నిష్పత్తిలో చెల్లిస్తాయి. దీనిపై కేంద్ర మంత్రి పెమ్మసాని చంద్రశేఖర్ స్పందిస్తూ, రైతులను ధరల పతనాల నుంచి కాపాడేందుకు ఇది ఒక సరైన చర్య అని పేర్కొన్నారు. దీని ద్వారా న్యాయమైన ఆదాయం లభించడంతో పాటు గ్రామీణ జీవనోపాధి బలోపేతం అవుతుందని ఆయన తెలిపారు.
ఇదిలా ఉంటే, ఇప్పటికే ముఖ్యమంత్రి నారా చంద్రబాబు నాయుడు మామిడి రైతుల ప్రయోజనాల కోసం ముందుగానే చర్యలు ప్రారంభించారు. చిత్తూరు, తిరుపతి, అన్నమయ్య జిల్లాల్లో మద్దతుగా ప్రాసెసింగ్ యూనిట్లు మరియు వ్యాపారులు ముందుకొచ్చారు. రైతుల నుంచి నేరుగా కొనుగోలు చేయడం ద్వారా తక్షణ లాభాలు లభించేందుకు సహకరించారు.
ఇప్పుడు కేంద్రం ప్రకటించిన ఈ పథకం వల్ల రైతుల బ్యాంక్ ఖాతాల్లో డబ్బులు నేరుగా జమ కానుండటంతో రైతుల్లో ఆనందం నెలకొంది. రైతులు ఈ అవకాశాన్ని సద్వినియోగం చేసుకుంటూ, సీఎం చంద్రబాబు నాయుడుకు మరియు ప్రధానమంత్రి నరేంద్ర మోదీకి ధన్యవాదాలు తెలుపుతున్నారు. ఇది రైతులకు ఆర్థికంగా ఊతమివ్వడమే కాక, వ్యవసాయ రంగాన్ని స్థిరత వైపు నడిపించనున్నట్లు భావిస్తున్నారు.
