యుద్ధం ముంగిట అమెరికా-ఇరాన్…
రేపటి నుంచే దాడులు మొదలయ్యే అవకాశం…
US vs Iran: అమెరికా మరియు ఇరాన్ దేశాల మధ్య ఉద్రిక్తతలు ప్రస్తుతం తారాస్థాయికి చేరుకున్నాయి. ఇరాన్పై దాడులు చేసే అవకాశాలను తాము పరిశీలిస్తున్నట్లు అమెరికా అధ్యక్షుడు డోనాల్డ్ ట్రంప్ స్వయంగా ప్రకటించారు. ముఖ్యంగా ఇరుదేశాల మధ్య జరగాల్సిన అణు ఒప్పందంపై చర్చలు కొలిక్కి రాకపోవడంతో, ట్రంప్ చేసిన ఈ వ్యాఖ్యలకు అంతర్జాతీయంగా అత్యంత ప్రాధాన్యత సంతరించుకుంది. ఇరాన్ తమతో కలిసి వస్తేనే ఆ దేశానికి మంచిదని, లేనిపక్షంలో భవిష్యత్తు పరిణామాలు చాలా తీవ్రంగా ఉంటాయని ఆయన హెచ్చరించారు.
అమెరికా రక్షణ శాఖ కార్యాలయం పెంటగాన్ రేపటి నుంచే ఇరాన్పై యుద్ధం మొదలుకావచ్చని సంకేతాలిచ్చింది. ఈ నేపథ్యంలో అమెరికా దాడులను దీటుగా ఎదుర్కొనేందుకు ఇరాన్ రాజధాని టెహ్రాన్ సర్వసన్నద్ధమవుతోంది. యుద్ధానికి కావాల్సిన అన్ని సన్నాహాలను ఇరు దేశాలు ఇప్పటికే దాదాపుగా పూర్తి చేసుకున్నట్లు సమాచారం అందుతోంది.
