శ్రీకాంత్ తనయుడు రోషన్ సరసన పెళ్లిసందడి సినిమాతో హీరోయిన్ గా తెలుగు ఇండస్ట్రీకి పరిచయమైన శ్రీలీల రవితేజ సరసన నక్కిన త్రినాథరావు దర్శకత్వంలో ధమాకా చేసింది. ఈ చిత్రం సంచలన విజయం సాధించడంతో శ్రీలీలకు ఆఫర్లు వెల్లువెత్తాయి. అందం, నటనకు తోడు డ్యాన్స్ లు కూడా బాగా చేస్తుండటంతో నిర్మాత దర్శకులతోపాటు హీరోలు కూడా శ్రీలీలే కావాలంటూ పట్టుబట్టడం ప్రారంభించారు. వరుసగా సినిమాలు చేసుకుంటూ వస్తున్న ఈ బ్యూటీకి ఇటీవల కాలం కలిసిరాలేదు. నాలుగు సినిమాలు వరుసగా ఫ్లాపవడంతో సినిమాల ఎంపికలో ఆచితూచి వ్యవహరించాలని నిర్ణయించుకుంది. మెడిసన్ చేస్తున్న ఈ అమ్మడు కొంతకాలం సినిమాలకు విరామం ప్రకటించి మెడికల్ పరీక్షలకు హాజరుకాబోతోంది.
మీ వ్యాపార ప్రకటనల కొరకు ఆంధ్ర ప్రవాసి డాట్ కామ్ AndhraPravasi.com ఉచితంగా అందిస్తున్న క్లాసిఫైడ్స్ Classifieds లో ప్రకటించుకొని మీ వ్యాపారాన్ని అభివృధ్ది చేసుకోండి.
కథల ఎంపికలో జాగ్రత్తగా వ్యవహరిస్తుండటంతోపాటు గతంలోలా వచ్చిన ఆఫర్లను కూడా ఒప్పుకోవడంలేదు. శ్రీలీలకు కథ వినిపించేందుకు ఇటీవలే ఓ దర్శకుడు ఆమె ఇంటికి వెళ్లారు. కథ వివరించి చెప్పడంతోపాటు చిత్రంలో బోల్డ్ సన్నివేశాలు ఉంటాయని, వీటిలో నటించాల్సి ఉంటుందని చెప్పారు. ఈ కథ శ్రీలీల తల్లికి నచ్చలేదు. అంతేకాకుండా బోల్డ్ సన్నివేశాల్లో నటించాలని చెప్పడంతో అతనికి వార్నింగ్ ఇచ్చి పంపించివేసినట్లు తెలుస్తోంది. ప్రస్తుతం ఈ వార్త సోషల్ మీడియాలో వైరల్ గా మారింది. ఎన్నో ఆశలు పెట్టుకున్న గుంటూరు కారం సినిమా కూడా ఫ్లాపవడంతో ఎటువంటి సినిమాలు చేయాలో ఈ అమ్మడుకు అర్థం కాకుండా ఉంది. ఇక వేచి చూడాల్సిందే ఈ అమ్మడు మళ్లీ ఎప్పుడు అడుగుపెట్టిందో..
తెలుగు ప్రవాసులకు ఉపయోగ పడే వార్తలు, వారికి సంబంధించిన వార్తలు, వారు నివసించే ఆయా దేశాలలో వారికి సంబంధించిన వార్తలు, ఇంకా ఉద్యోగ వార్తలు, క్లాసిఫైడ్స్, అన్ని ఒక చోటనే... క్రింది లింక్స్ పై క్లిక్ చేసి గ్రూప్ లో జాయిన్ అవ్వండి
